Hubiernatar Kalininhrada zajaviŭ, što Imanuił Kant maje pramoje dačynieńnie da vajny va Ukrainie
Hubiernatar Kalininhradskaj vobłaści Anton Alichanaŭ vystupiŭ na V źjeździe palitołahaŭ, jaki startavaŭ u Śvietłahorsku (horad u Kalininhradskaj vobłaści, da 1947 hoda — Raŭšen). Asablivuju ŭvahu jon nadaŭ fiłasofii Kanta, što žyŭ u XVIII stahodździ.
«Kant, jaki naradziŭsia tut, maje amal pramoje dačynieńnie da hłabalnaha chaosu, hłabalnaj pierabudovy, ź jakim my ciapier sutykajemsia. Bolš za toje, jon maje pramoje dačynieńnie da vajennaha kanfliktu na Ukrainie», — cytuje Alichanava fedpress.ru.
Kiraŭnik rehijonu dadaŭ, što Kant pakłaŭ pačatak niamieckaj kłasičnaj fiłasofii, prapampavaŭ niamieckuju volu, adnačasova adrezaŭšy jaje ad vyšejšych kaštoŭnaściaŭ. U vyniku źjaviłasia takaja sacyjalna-kulturnaja situacyja.
Alichanaŭ ličyć, što nie tolki Pieršaja suśvietnaja vajna (1914—1918) pačałasia ŭ pracach Kanta (1724—1804), ale i ciapierašni kanflikt na Ukrainie. «Zachad z daŭnich časoŭ parušaŭ usie damoŭlenaści, jakija byli dasiahnutyja. Kali ŭvieś čas žyvieš i pracuješ u Kalininhradskaj vobłaści, niemahčyma nie zadumvacca ab suśvietnaj palitycy i ab mižnarodnych adnosinach», — udakładniŭ hubiernatar.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni21
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Vsie ostalnyje vaši ispražnienija - płod vašieho voobražienija!...