U pašpartach, padrychtavanych biełaruskaj dyjasparaj, buduć vypraŭlenyja niapravilnyja karty, na jakich pamyłkova pakazanaja miaža pamiž Litvoj i Biełaruśsiu.
Na kartach niama Dzievianišskaha vystupu — kavałak terytoryi Litvy, jakaja ŭrazajecca ŭ Hrodzienskuju vobłaść.
Ofis Cichanoŭskaj i Abjadnany pierachodny kabiniet, jak paviedamlajecca, nazvali heta «techničnaj pamyłkaj» i vyrašyli jaje vypravić.
Raspracoŭščyki pašparta paviedamili «Našaj Nivie», što dyzajn byŭ dasłany pravilnym, ale pry druku ŭźnikła techničnaja prablema praz šyryniu mikratekstu, što zdarajecca niaredka. Abvodka spraściłasia, ale terytoryja vystupa zastałasia niezafarbavanaj. Isnuje šmat prykładaŭ, kali krainy vypuskali pašparty cełymi partyjami z pamyłkami, dobra, što hetuju ŭdałosia zaŭvažyć i vypravić, dadajuć raspracoŭščyki.
Adkazny za prajekt pašpartoŭ pradstaŭnik Abjadnanaha pierachodnaha kabinieta Valeryj Kavaleŭski zajaviŭ, što aficyjny dyzajn novych paśviedčańniaŭ asoby jašče nie zaćvierdžany i «pamyłka budzie vypraŭlenaja», piša LRT.
My ŭdziačnyja ŭsim, chto źviarnuŭ našu ŭvahu na hetuju prablemu. My pavažajem mižnarodna pryznanyja miežy Litvy — blizkaha demakratyčnaha partniora i sajuźnika Biełarusi», — havorycca ŭ zajavie Ofisa Cichanoŭskaj.
«Zianon Paźniak — toj čałaviek, ź jakim pajšoŭ by na piva». Valer Kavaleŭski raskazaŭ u intervju pra palityčnaje i čałaviečaje
Stała viadoma, kali źjaviacca pieršyja ŭzory pašparta Novaj Biełarusi
Śpiecsłužby źbirajuć danyja pra biełarusaŭ zamiežža, robiačy fejkavyja ankiety dla pretendentaŭ na pašpart Novaj Biełarusi
Paśla papiaredžańnia ad Kitaja kolkaść mihrantaŭ na polskim kirunku skaraciłasia ŭ razy — HRAFIK1
Kamientary