Eks-prezident admaŭlaje svaju vinu i nazyvaje spravu palityčnaj pomstaj.
Sud Ńju-Jorka abaviazaŭ Donalda Trampa vypłacić bolš za 350 miljonaŭ dalaraŭ. Jon pryznany vinavatym u naŭmysnych finansavych machinacyjach na praciahu dziesiaci hadoŭ, piša Bi-bi-si.
Taksama sudździa Artur Enharon zabaraniŭ Trampu zajmać pasady kiraŭnika abo dyrektara luboj ńju-jorkskaj karparacyi na praciahu troch hadoŭ.
U pazovie, padadzienym hienieralnym prakuroram Ńju-Jorka Letycyjaj Džejms, Trampa i jaho siamiejny biznes abvinavačvajuć u zavyšeńni jaho ŭłasnaha dachodu na 3,6 młrd dalaraŭ u hod na praciahu dziesiaci hadoŭ z metaj uvieści ŭ zman banki i dziela lepšych umoŭ pazyki.
Na sudzie Tramp admaŭlaŭ svaju vinu i nazvaŭ hetuju spravu palityčnaj pomstaj.
Sud taksama pastanaviŭ, što Donaldu Trampu, Trump Organization i jaje filijałam zabaroniena padavać zajaŭki na atrymańnie kredytaŭ u luboj finansavaj ustanovie, upaŭnavažanaj abo zarehistravanaj Departamientam finansavych pasłuh štata Ńju-Jork.
Ale sudździa nie staŭ admianiać biznes-licenzii Trampa, što, na dumku niekatorych ekśpiertaŭ, mahło faktyčna pakłaści kaniec jaho biznes-impieryi.
Alina Chaba, jakaja pradstaŭlała Trampa ŭ jakaści jaho advakata i pres-sakratara pa hetaj spravie, paćvierdziła, što jaje klijent padaść apielacyju na rašeńnie sudździ Enharona.
«Hety prysud źjaŭlajecca vidavočnaj niespraviadlivaściu — prostaj i jasnaj, — napisała jana. — Heta kulminacyja šmathadovaha, palityčnaha palavańnia na viedźmaŭ, jakoje było zaklikana «zrynuć Donalda Trampa» jašče da taho, jak Letycyja Džejms zaniała kabiniet hienieralnaha prakurora».
Chaba śćviardžaje, što pakazańni pa spravie «dakazali, što nie było ni pravaparušeńniaŭ, ni złačynstvaŭ, ni achviar».
Jana taksama zajaviła, što «kali hetaje rašeńnie zastaniecca ŭ sile, jano pasłužyć sihnałam dla kožnaha amierykanca ab tym, što Ńju-Jork bolš nie adkryty dla biznesu».
Tramp choča praz spynieńnie padtrymki prymusić Ukrainu da pieramovaŭ z Rasijaj
«Heta biazmozhła, heta haniebna». Bajden rezka abrynuŭsia na Trampa za jaho pramovy pra niežadańnie abaraniać sajuźnikaŭ pa NATO
99% — za Trampa. Paśla pierakanaŭčaj pieramohi ŭ Nievadzie eks-prezident ZŠA ŭščylnuju nabliziŭsia da paŭtornaha vyłučeńnia
Ciapier čytajuć
Vylecieła ŭ nieviadomym kirunku śpikierka KR Anžalika Mielnikava22
Kamientary