Praz hod usia vadapravodnaja vada ŭ Minsku maje ŭžo być z-pad ziamli
U kancy biahučaha — pačatku nastupnaha hoda ŭsia vadapravodnaja vada ŭ Minsku budzie ŭžo zdabyvacca z padziemnych krynic. Pra heta raskazaŭ staršynia Minharvykankama Uładzimir Kucharaŭ na naradzie pa pytańni realizacyi prajekta pa pieravodzie zachodniaj častki stalicy na artezijanskaje vodazabieśpiačeńnie, paviedamlajuć «Minsk-Naviny».
Sustreča z zakazčykami, padradčykami i prajekciroŭščykami prajšła na adnym z učastkaŭ praviadzieńnia rabot.
Kucharaŭ źviarnuŭ uvahu padradčykaŭ na toje, što na vornych ziemlach, zadziejničanych u realizacyi prajekta, usie asnoŭnyja raboty nieabchodna vykanać nie paźniej za sakavik i nazvaŭ pieravod stalicy na vodazabieśpiačeńnie z padziemnych krynic «samym hłabalny prajektam na biahučy hod u Minsku».
«Možna z upeŭnienaściu skazać, što ŭ pieršym paŭhodździ biahučaha hoda budaŭniča-mantažnyja raboty buduć zavieršanyja, paśla čaho pačniecca puskanaładka abstalavańnia dla pryviadzieńnia jaho da patrabavanych paramietraŭ. Płanujem, što ŭ kancy biahučaha — pačatku nastupnaha hoda ŭsia vadapravodnaja vada ŭ Minsku budzie z padziemnych krynic», — paabiacaŭ staršynia Minharvykankama.
Kucharaŭ dadaŭ, što abjom rabot budzie vialiki — treba naładzić padaču ŭ Minsk dadatkova 130 tysiač kubamietraŭ vady ŭ sutki. Tamu pieravod stalicy na artezijanskaje vodazabieśpiačeńnie projdzie ŭ niekalki etapaŭ.
Vy nie pavierycie, kim akazaŭsia «vypadkovy» bajanist na vakzale, jaki śpiavaŭ pra Łukašenku25
Kamientary