Novaja vakcyna suprać hrypu A/H1N1 pastupić nie raniej za siaredzinu studzienia
Na hetym tydni ŭ Biełarusi pačałasia imunizacyja suprać hrypu A/H1N1 rasijskaj vakcynaj «Influvir». Pryščeplivajucca dźvie katehoryi hramadzian: miedycynskija rabotniki i asoby, jakija zabiaśpiečvajuć bieśpierabojnaje funkcyjanavańnie žyćciova važnych sistem (MNS, transpart, ŽKH i inš.).
Jak adznačyła zahadčyca adździaleńnia imunaprafiłaktyki Minskaha haradskoha centra hihijeny i epidemijałohii Iryna Hlinskaja,
u hety momant rehistracyju prachodzić inšaja vakcyna suprać pandemičnaha hrypu. «Paśla jaje rehistracyi moža iści razmova ab imunizacyi inšych katehoryj hramadzian za košt ułasnych srodkaŭ i za košt srodkaŭ miascovych biudžetaŭ», — adznačyła śpiecyjalist.
Kankretnyja terminy pastaŭki novaj vakcyny ŭ Biełaruś nazvać ciažka, ale miarkujecca, što jana pastupić u krainu nie raniej za siaredzinu studzienia.
Što da «Influviru», to, pavodle słoŭ Hlinskaj, ułasnaha vopytu vykarystańnia vakcyny ŭ krainie niama, adnak «jon jość u rasijskich kaleh, i, pavodle ich źviestak, u śniežni hetaj vakcynaj dvuchrazova było pryščeplena 55 tysiač rasijan i kala 150 čałaviek pakul pryščapilisia adnarazova». «Infarmacyi ab niezvyčajnych reakcyjach na vakcynu nie pastupała», — adznačyła miedyk.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary