Marzaluka ŭsio ž pryznačyli deputatam. Prahnoz «NN» na vybary spraŭdziŭsia na 97%

«Naša Niva» davała svoj prahnoz nakont taho, jakija ludzi buduć pryznačanyja ŭ Pałatu pradstaŭnikoŭ. My ŭhadali 107 sa 110 čałaviek. Heta 97% dakładnaści.

Pavialičyć

Čytajcie. 110 deputataŭ, jakija trapiać u parłamient-2024, — praviercie śpis paśla vybaraŭ

Našyja prahnazisty dapuścili try prykryja pamyłki. Pryčym usie ŭ Mahiloŭskaj vobłaści. Mienavita tam miascovyja ŭłady tradycyjna zabłytvajuć situacyju, vypuskajučy na vybarčy zabieh pryblizna roŭnych pa statusie pretendentaŭ. Hetyja kandydaty zahadzia viedajuć, chto ź ich pieramoža, a voś hramadstvu ŭhadać składaniej.

Aproč taho, praz techničnuju pamyłku tolki ŭ Mahiloŭskaj vobłaści nie apublikavali śpis davieranych asobaŭ kandydataŭ. A praz hetyja pieralik pasadaŭ hetych ludziej možna atrymać padkazku nakont surjoznaści kandydata. 

1) Na akruzie №79 u Babrujsku pieramohu napisali načalnicy ŭpraŭleńnia piersanała «Biełšyny» Aksanie Prychodźka (1975). Jana siabar ŁDPB — partyi, jakaja atrymała najmienšaja pradstaŭnictva ŭ parłamiencie.

My mierkavali, što bolš šancaŭ u Andreja Čajki z Babrujskaha harbarnaha zavoda. Jon taksama źbiraŭ podpisy ŭ svaju padtrymku, ale chacia b vyłučaŭsia ad «Biełaj Rusi», što zaŭsiody pavyšaje šancy na pieramohu.

2) U Kryčaŭskaj akruzie №83 pieramožca — Siarhiej Davydaŭ (1974). Jon načalnik Kryčaŭskaj dystancyi šlachu Mahiloŭskaha adździaleńnia Biełčyhunki — pasada nie nadta pradstaŭničaja.

Zrešty, jaho kankurent Vasil Novikaŭ, jaki ŭznačalvaŭ Klimavickija elektrasietki, taksama nie zusim «deputackuju» pracu. Choć elektrasietki — nie prysud. Na susiedniaj akruzie ŭ parłamient trapiŭ kiraŭnik Babrujskich elektrasietak.

3) Na žal, my nie pavieryli ŭ Ihara Marzaluka (1968). Suprać jaho hulaŭ asnoŭny arhumient — nikomu, aproč śpikiera Pałaty pradstaŭnikoŭ Uładzimira Andrejčanki, nie dazvalałasia pieraabiracca try razy zapar. I jakraz na Mahiloŭščynie pastajanna zdaralisia vypadki, kali prakatvali kahości ź ciapierašnich deputataŭ.

Apanient Marzaluka vyhladaŭ davoli salidna — prarektar Mahiloŭskaha dziaržaŭnaha ŭniviersiteta Dźmitryj Rahaŭcoŭ i sabraŭ podpisy, i vyłučaŭsia ad kalektyva, i byŭ pradstaŭnikom «Biełaj Rusi». Ale ŭsio ž jaho zapisali ŭ aŭtsajdary honki.

My narabili tłumu jašče z adnoj akruhaj — Mahiloŭskaj sielskaj №88. Tut adnaznačna i biez usialakaj intryhi pieraabirałasia deputatka Natalla Tarasienka. Raptoŭna my znajšli na sajcie Mahiloŭskaha rajvykankama fajł ź infarmacyjaj pra jaje źniaćcie. My pazvanili pamočnikam Tarasienki pa kamientar, ale jany ničoha nie viedali pra jaje źniaćcie, navat zapeŭnili, što «jana ž uzhodnienaja». Tym nie mienš fajł jość fajł, my paličyli jaho isnavańnie važnym arhumientam! U takim razie biezalternatyŭnaj pieramožcaj musiła stanavicca sparynh-partniorka deputatki. I tolki 25 lutaha my zrazumieli, što Tarasienka praciahvaje ŭdzielničać u honcy, a jaje źniaćcie adbyvałasia ŭ 2016 hodzie i z taho času visić na sajcie rajvykankama i indeksujecca pošukavikami. Naturalna, što Tarasienka i pieramahła.

A voś ahulny śpis novych deputataŭ:

Bresckaja-Zachodniaja akruha №1 

Valancina Puch (1969), dyrektarka bresckaha filijała «Biełpošty»

Bresckaja-Centralnaja akruha №2

Volha Ściepuś (1983), dyrektarka Bresckaha abłasnoha centra alimpijskaha reziervu pa vodnych vidach sportu

Bresckaja-Uschodniaja akruha №3

Uładzimir Baravienka (1970), ideołah z «Brestabłhaza»

Bresckaja-Pahraničnaja akruha №4

Andrej Krupieńkin (1973), namieśnik načalnika ŭpraŭleńnia KDB pa Bresckaj vobłaści 

Baranavickaja-Zachodniaja akruha №5

Alaksiej Rajko (1987), namieśnik načalnika Baranavickaha adździaleńnia Biełčyhunki 

Baranavickaja-Uschodniaja akruha №6

Pavieł Papko (1983), deputat

Baranavickaja sielskaja akruha №7

Hieorhij Chlabovič (1966), hałoŭny doktar Lachavickaj rajonnaj balnicy 

Biełaviežskaja akruha №8

Kaciaryna Paździajkina (1984), načalnica łabaratoryi Małaryckaha kansiervavaha kambinata

Pružanskaja akruha №9

Juryj Narkievič (1964), staršynia Bresckaha abłasnoha Savieta deputataŭ 

Dniaproŭska-Buhskaja akruha №10

Śviatłana Bartaš (1969), deputatka

Ivacevickaja akruha №11

Aleh Kuźmin (1972), dyrektar ivacevickaj škoły №3

Kobrynskaja akruha №12

Palina Vasiluk (1980), načalnica adździeła ideałahičnaj pracy i pa spravach moładzi Kobrynskaha rajvykankama.

Łuninieckaja akruha №13

Eduard Sievieryn (1976), načalnik Bresckaha adździaleńnia Biełaruskaha instytuta stratehičnych daśledavańniaŭ

Pinskaja haradskaja akruha №14

Alaksandr Amieljaniuk (1964), deputat

Pinskaja sielskaja akruha №15

Uładzimir Kaleśnikovič (1974), dyrektar «Pinskaha PMS» — pradpryjemstva mielijaracyjnych sistem.

Stolinskaja akruha №16

Alaksandr Viačorka (1974), kiraŭnik spraŭ Stolinskaha rajvykankama.

Viciebskaja-Horkaŭskaja akruha №17

Viktar Nikałajkin (1961), deputat

Viciebskaja-Čkałaŭskaja akruha №18

Iryna Astapienka (1976), dyrektarka škoły №46 Viciebska

Viciebskaja-Čyhunačnaja akruha №19

Rusłan Škodzin (1973), vajenny kamisar Viciebskaj vobłaści 

Viciebskaja-Kastryčnickaja akruha №20

Juryj Panfiłaŭ (1966), kiraŭnik Kastryčnickaha rajona Viciebska

Haradockaja akruha №21

Andrej Bałyš (1988), dyrektar Viciebskaha zanalnaha instytuta sielskaj haspadarki Akademii navuk.

Dokšyckaja akruha №22

Anatol Siŭko (1976), dyrektar zavoda «Vietraź»

Lepielskaja akruha №23

Viktar Azaronak (1974), namieśnik staršyni Lepielskaha rajvykankama

Navapołackaja akruha №24

Dzianis Karaś (1978), deputat

Aršanskaja haradskaja akruha №25

Alaksandr Michno (1968), dyrektar fabryki №2 Aršanskaha lnokambinata

Aršanskaja-Dniaproŭskaja akruha №26

Hleb Hulankoŭ (1970), staršynia Bałbasaŭskaha pasiałkovaha vykankama.

Połackaja haradskaja akruha №27

Śviatłana Adzincova (1964), deputatka

Połackaja sielskaja akruha №28

Alaksandr Stoma (1965), hałoŭny doktar Połackaj haradskoj balnicy.

Pastaŭskaja akruha №29

Ihar Sierhiejenka (1963), kiraŭnik Administracyi prezidenta

Tałačynskaja akruha №30

Uładzimir Babičaŭ (1990), pieršy sakratar viciebskaha abłasnoha BRSM

Homielskaja-Jubilejnaja akruha №31

Vital Utkin (1965), deputat

Homielskaja-Sielmašaŭskaja akruha №32

Alaksandr Kanapacki (1988), namieśnik dyrektara pa ideałohii «Homsielmaša»

Homielskaja-Centralnaja akruha №33

Uładzimir Haŭryłovič (1967), kiraŭnik Homielskaha abłasnoha adździaleńnia Sajuza piśmieńnikaŭ

Homielskaja-Savieckaja akruha №34

Iryna Daŭhała (1967), deputatka

Homielskaja-Pramysłovaja akruha №35

Anžalina Syramiatnikava (1970), namieśnica dyrektara pa ideałohii Homielskaha domabudaŭničaha kambinata 

Homielskaja-Navabielickaja akruha №36

Siarhiej Kazačok (1973), kiraŭnik Navabielickaha rajona Homiela.

Homielskaja sielskaja akruha №37

Julija Vołkava (1986), vykładčyca Homielskaha techničnaha ŭniviersiteta imia Suchoha.

Buda-Kašaloŭskaja akruha №38

Rusłan Viehiera (1980), namieśnik dyrektara «Homielenierha»

Žytkavickaja akruha №39

Śviatłana Siańko (1981), namieśnica staršyni Pietrykaŭskaha rajvykankama 

Žłobinskaja akruha №40

Alaksandr Małabicki (1977), načalnik adździeła infarmacyi Biełaruskaha mietałurhičnaha zavoda.

Kalinkavickaja akruha №41

Mikałaj Maratajeŭ (1965), namieśnik staršyni Homielskaha abłasnoha suda

Mazyrskaja akruha №42

Aksana Kavalkova (1969), dyrektarka škoły №16 Mazyra

Paleskaja akruha №43

Ała Navumienka (1969), staršynia Naraŭlanskaha rajonnaha Savieta deputataŭ

Rečyckaja akruha №44

Aleh Cylko (1971), namieśnik dyrektara pa ideałohii «Homielabłaŭtatrans» 

Rahačoŭskaja akruha №45

Mikałaj Kudziańčuk (1969), načalnik upraŭleńnia achovy zdaroŭja Homielskaha abłvykankama 

Śvietłahorskaja akruha №46

Alena Łapcieva (1972), dyrektarka Śvietłahorskaha spažyvieckaha tavarystva 

Chojnickaja akruha №47

Žanna Čarniaŭskaja (1971), deputatka

Vaŭkavyskaja akruha №48

Viktar Plaskač (1969), dyrektar Vaŭkavyskaha spažyvieckaha tavarystva

Hrodzienskaja-Zaniomanskaja akruha №49

Michaił Aksianiuk (1975), načalnik upraŭleńnia ideałahičnaj pracy Dziaržaŭnaha pahraničnaha kamiteta

Hrodzienskaja-Kastryčnickaja akruha №50

Alena Patapava (1978), deputatka

Hrodzienskaja-Leninskaja akruha №51

Andrej Anisimaŭ (1977), dyrektar hrodzienskaha filijała «Biełpošty»

Hrodzienskaja-Paŭnočnaja akruha №52

Aleh Ramanaŭ (1975), kiraŭnik «Biełaj Rusi»

Hrodzienskaja-Pahraničnaja akruha №53

Anton Kulisievič (1967), staršynia Bierastavickaha rajvykankama

Iŭjeŭskaja akruha №54

Vital Rakaviec (1976), dyrektar Iŭjeskaha lashasa

Lidskaja akruha №55

Kaciaryna Sierafinovič (1965), namieśnica dyrektara dziaržaŭnaj «LidaMiedyjaKampanii»

Niomanskaja akruha №56

Michaił Orda (1966), staršynia Fiederacyi prafsajuzaŭ

Zamkavaja akruha №57

Alaksandr Sanhin (1969), deputat

Słonimskaja akruha №58

Valancin Siemianiaka (1963), deputat

Smarhonskaja akruha №59

Ihar Šałudzin (1968), staršynia Astravieckaha rajvykankama

Ščučynskaja akruha №60

Nadzieja Chalcova (1978), dyrektarka mastoŭskaj himnazii №1

Biarezinskaja akruha №61

Juryj Korsik (1972), dyrektar Śmiłavickaha dziaržaŭnaha kaledža

Barysaŭskaja haradskaja akruha №62

Alaksandr Šypuła (1972), deputat

Barysaŭskaja sielskaja akruha №63

Rusłan Kasyhin (1968), namieśnik pa ideałohii zavoda «Aŭtahidraŭzmacnialnik». Heta toj samy Kasyhin, jaki ŭ 2020—2023-m uznačalvaŭ HRU Minabarony.

Žodzinskaja akruha №64

Juryj Marecki (1972), vajenny kamisar Smalavickaha rajona i Žodzina

Puchavickaja akruha №65

Alena Parchimčyk (1968), hałoŭny doktar Puchavickaha rajonnaha centra hihijeny i epidemijałohii.

Kapylskaja akruha №66

Andrej Lis (1976), načalnik upraŭleńnia Śledčaha kamiteta pa Minskaj vobłaści

Słuckaja akruha №67

Natalla Aŭsiańnikava (1971), staršynia Słuckaha rajonnaha Savieta deputataŭ

Salihorskaja haradskaja akruha №68

Alena Chamicevič (1967), dyrektarka Salihorskaha dziaržaŭnaha kaledža

Salihorskaja sielskaja akruha №69

Aksana Ilkovič (1975), dyrektarka Terytaryjalnaha centra sacyjalnaha absłuhoŭvańnia nasielnictva Lubanskaha rajona

Staŭbcoŭskaja akruha №70

Alena Kliševič (1971), načalnica ŭpraŭleńnia Niaśvižskaha rajvykankama pa sporcie i turyźmie

Dziaržynskaja akruha №71

Iryna Kaścievič (1967), ministarka pracy i sacyjalnaj abarony

Maładziečanskaja haradskaja akruha №72

Dzianis Ušacki (1977), načalnik maładziečanskaha adździeła MNS

Maładziečanskaja sielskaja akruha №73

Ivan Markievič (1966), namieśnik staršyni Minskaha abłvykankama

Vilejskaja akruha №74

Śviatłana Sakałoŭskaja (1970), pieršaja namieśnica staršyni Dziaržkantrolu Minskaj vobłaści

Łahojskaja akruha №75

Taćciana Łaŭrynovič (1982), staršynia Łahojskaha sielvykankama

Sienickaja akruha №76

Anatol Bułaŭka (1969), načalnik upraŭleńnia ideałahičnaj pracy Vajenna-pavietranych siłaŭ

Minskaja sielskaja akruha №77

Alena Chila (1975), dyrektarka Baraŭlanskaj siaredniaj škoły №2

Babrujskaja-Leninskaja akruha №78

Aksana Žuk (1978), namieśnica staršyni Babrujskaha harvykankama

Babrujskaja-Pieršamajskaja akruha №79

Aksana Prychodźka (1975), načalnica ŭpraŭleńnia piersanała «Biełšyny»

Babrujskaja sielskaja akruha №80

Anton Karankievič (1983), dyrektar babrujskaha filijała «Mahiloŭenierha»

Bychaŭskaja akruha №81

Alaksandra Michiejenka (1971), staršynia Kaściukovickaha rajvykankama

Horackaja akruha №82

Uładzimir Paŭłoŭski (1994), namieśnik pa ideałohii dyrektara Mahiloŭskaha miasakambinata

Kryčaŭskaja akruha №83

Siarhiej Davydaŭ (1974), načalnik Kryčaŭskaj dystancyi šlachu Mahiloŭskaha adździaleńnia Biełčyhunki

Mahiloŭskaja-Leninskaja akruha №84

Ihar Marzaluk (1968), deputat

Mahiloŭskaja-Centralnaja akruha №85

Natalla Kulašova (1976), pieršaja namieśnica načalnika Inśpiekcyi Ministerstva pa padatkach i zborach pa Mahiloŭskaj vobłaści

Mahiloŭskaja-Kastryčnickaja akruha №86

Halina Bialajeva (1978), namieśnica pa vychavaŭčaj pracy dyrektara škoły №34 Mahilova

Mahiloŭskaja-Pramysłovaja akruha №87

Uładzimir Padabied (1975), staršynia prafsajuznaha kamiteta «Mahiloŭchimvałakno». Kvota Kamunistyčnaj partyi. 

Mahiloŭskaja sielskaja akruha №88

Natalla Tarasienka (1970), deputatka.

Asipovickaja akruha №89

Aleh Dziačenka (1971), rektar Akademii paśladypłomnaj adukacyi.

Škłoŭskaja akruha №90

Valeryj Małaška (1966), namieśnik staršyni Mahiloŭskaha abłvykankama

Paŭnočnaja akruha №91

Dźmitryj Šaŭcoŭ (1973), hienieralny sakratar Biełaruskaha Čyrvonaha Kryža

Mašynabudaŭničaja akruha №92

Hienadź Lapieška (1965), načalnik Vajskovaj akademii

Vaśniacoŭskaja akruha №93

Siarhiej Račkoŭ (1960), staršynia kamisii pa mižnarodnych spravach i nacyjanalnaj biaśpiecy Savieta Respubliki

Kupałaŭskaja akruha №94

Ihar Paškoŭ (1969), načalnik štaba Ministerstva ŭnutranych spraŭ

Śvisłackaja akruha №95

Alaksandr Špakoŭski (1984), daradca-pasłańnik Ministerstva zamiežnych spraŭ

Kastryčnickaja akruha №96

Siarhiej Kliševič (1990), deputat

Čkałaŭskaja akruha №97

Viačasłaŭ Daniłovič (1973), rektar Akademii kiravańnia

Dziaržynskaja akruha №98

Nastaśsia Mirončyk-Ivanova (1989), lohkaatletka

Jasieninskaja akruha №99

Rusłan Čarniecki (1981), artyst Teatra imia Horkaha 

Paŭdniovazachodniaja akruha №100

Alaksandr Barsukoŭ (1965), pamočnik Łukašenki pa Minsku

Zachodniaja akruha №101

Maryna Lančeŭskaja (1971), deputatka

Kamiennahorskaja akruha №102

Michaił Mirončyk (1966), dyrektar Departamienta kantrolu jakaści adukacyi Ministerstva adukacyi

Kalvaryjskaja akruha №103

Vasil Panasiuk (1966), deputat

Łyńkoŭskaja akruha №104

Anžalika Kurčak (1969), pres-sakratarka Hienieralnaj prakuratury

Staravilenskaja akruha №105

Vadzim Ipataŭ (1964), dyrektar Nacyjanalnaha centra zakanadaŭstva i pravavych daśledavańniaŭ 

Kołasaŭskaja akruha №106

Mikałaj Buzin (1971), pamočnik staršyni Pałaty pradstaŭnikoŭ

Uschodniaja akruha №107

Natalla Dziarhač (1964), hałoŭnaja doktarka 34-j palikliniki

Pieršamajskaja akruha №108

Aleh Hajdukievič (1977), deputat

Uručanskaja akruha №109

Ivan Hardziejčyk (1957), deputat

Partyzanskaja akruha №110

Vadzim Hihin (1977), dyrektar Nacyjanalnaj biblijateki.

• 14
• 0
• 27
• 12
• 12
• 6
• 35
• 0