Mieniedžarka pa prodažach raźličvała na narmalny zarobak, a atrymała tolki 165 rubloŭ
Byvaje, što zvalnieńnie prynosić tolki palohku. Kali zarobak u 165 rubloŭ «brudnymi» — heta jakraz taki vypadak. Svaju historyju pracy mieniedžarkaj pa prodažach raspaviała ŭ tyktoku dziaŭčyna z Mahilova.
U sacsietcy Julija padzialiłasia svaim sumnym, ale ž karysnym dośviedam. Jana sprabavała pracavać z «chałodnymi zvankami» — joj treba było telefanavać patencyjalnym klijentam i ŭhavorvać ich zrabić zamovu. Darečy, adukacyja ŭ błohierki cikavaja — jana zoainžynierka.
Dziaŭčyna paviedamiła, što ŭ jaje nivodnaha razu nie atrymałasia vykanać płan i pryvieści dzieviać klijentaŭ u dzień — sa 150 zvankoŭ. Jana pryznajecca, što tolki na apošnim pracoŭnym tydni zmahła rabić nieabchodnuju kolkaść zvankoŭ.
Kab abiacany akład naličyli całkam, Julii treba było pryvieści 210 novych klijentaŭ za miesiac, a atrymałasia tolki 55. Praz heta zarobak dziaŭčyny skłaŭ 165 rubloŭ «brudnymi».
Ale jana nie hublaje aptymizmu: «Heta byŭ cudoŭny dośvied, chaj navat i za kapiejki, ale ž viedy mnie akuplajucca».
Za čatyry dni videa nabrała amal 380 tysiač prahladaŭ. Byli ludzi, jakija raspaviali, što taksama sutykalisia z anałahičnymi situacyjami ŭ roznych kampanijach — płany, jakija nierealna vykanać, i zarpłata, ad jakoj nie viedaješ, płakać ci śmiajacca.
U kamientaryjach Julija nazvała kampaniju z takimi zarobkami. Heta «Art Kłaj», jakaja zajmajecca raspracoŭkaj sajtaŭ luboj składanaści, prapanoŭvaje ich SEO-aptymizacyju pad pošukavyja zapyty, a taksama nastrojvaje rekłamu ŭ pošukavych sistemach i sacyjalnych sietkach. Miarkujučy pa sajcie rabota.by, mieniedžary pa prodažach kampanii patrebny i ciapier. Praŭda, abiacajuć patencyjalnym supracoŭnikam ad tysiačy da troch tysiač rubloŭ.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary
A to nynčie mołodiež rukami ničieho diełať nie chočiet!...