Менеджарка па продажах разлічвала на нармальны заробак, а атрымала толькі 165 рублёў
Бывае, што звальненне прыносіць толькі палёгку. Калі заробак у 165 рублёў «бруднымі» — гэта якраз такі выпадак. Сваю гісторыю працы менеджаркай па продажах распавяла ў тыктоку дзяўчына з Магілёва.
У сацсетцы Юлія падзялілася сваім сумным, але ж карысным досведам. Яна спрабавала працаваць з «халоднымі званкамі» — ёй трэба было тэлефанаваць патэнцыяльным кліентам і ўгаворваць іх зрабіць замову. Дарэчы, адукацыя ў блогеркі цікавая — яна зоаінжынерка.
Дзяўчына паведаміла, што ў яе ніводнага разу не атрымалася выканаць план і прывесці дзевяць кліентаў у дзень — са 150 званкоў. Яна прызнаецца, што толькі на апошнім працоўным тыдні змагла рабіць неабходную колькасць званкоў.
Каб абяцаны аклад налічылі цалкам, Юліі трэба было прывесці 210 новых кліентаў за месяц, а атрымалася толькі 55. Праз гэта заробак дзяўчыны склаў 165 рублёў «бруднымі».
Але яна не губляе аптымізму: «Гэта быў цудоўны досвед, хай нават і за капейкі, але ж веды мне акупляюцца».
За чатыры дні відэа набрала амаль 380 тысяч праглядаў. Былі людзі, якія распавялі, што таксама сутыкаліся з аналагічнымі сітуацыямі ў розных кампаніях — планы, якія нерэальна выканаць, і зарплата, ад якой не ведаеш, плакаць ці смяяцца.
У каментарыях Юлія назвала кампанію з такімі заробкамі. Гэта «Арт Клай», якая займаецца распрацоўкай сайтаў любой складанасці, прапаноўвае іх SEO-аптымізацыю пад пошукавыя запыты, а таксама настройвае рэкламу ў пошукавых сістэмах і сацыяльных сетках. Мяркуючы па сайце rabota.by, менеджары па продажах кампаніі патрэбны і цяпер. Праўда, абяцаюць патэнцыяльным супрацоўнікам ад тысячы да трох тысяч рублёў.
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»22
Каментары
А то нынче молодежь руками ничего делать не хочет!...