Interpał zabłakavaŭ dostup da źviestak biełaruskaha režysiora, jakoha chočuć ekstradavać ŭ Biełaruś ź Sierbii
Ciapier sud u Białhradzie vyrašaje, ci budzie režysior ekstradavany ŭ Biełaruś.
Interpał časova zabłakavaŭ u svajoj bazie dostup da źviestak režysiora Andreja Hniota — jaho zatrymali ŭ kastryčniku 2023 hoda ŭ Sierbii na zapyt biełaruskich uładaŭ, jakija abviaścili jaho ŭ mižnarodny vyšuk.
Heta aznačaje, što krainy — členy Interpała (u tym liku Biełaruś) nie buduć mieć dostup da danych režysiora, zarehistravanych u bazie arhanizacyi, pakul nie zavieršycca pravierka. Jana pavinna vyśvietlić, nakolki padadzienaja biełaruskimi siłavikami infarmacyja adpaviadaje praviłam i pałažeńniam Interpoła. Pra heta Deutsche Welle paviedamiŭ Vadzim Drazdoŭ, pradstaŭnik Andreja Hniota ŭ Jeŭrapiejskim sudzie pa pravach čałavieka i Interpole.
Raniej Drazdoŭ padaŭ zapyt, kab vydalić źviestki na Andreja Hniota z bazy Interpała. Jon ličyć pieraśled z boku biełaruskich uładaŭ palityčna matyvavanym. Ciapier sud u Białhradzie vyrašaje, ci budzie režysior ekstradavany ŭ Biełaruś.
Andrej Hniot — biełaruski žurnalist, režysior i palityčny aktyvist. Hniota nazyvajuć suzasnavalnikam «Svabodnaha abjadnańnia spartoŭcaŭ SOS BY», pryznanaha u Biełarusi «ekstremisckim farmavańniem».
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ6
Kamientary