Paśviedčańni kiroŭcy ŭ Biełarusi pačnuć vydavać terminam na 20 hadoŭ z 23 sakavika, paviedamiŭ BiełTA načalnik adździaleńnia rehistracyjna-ekzamienacyjnaj dziejnaści i techničnaha nahladu DAI MUS Alaksandar Šmajenkaŭ.
Pavodle słoŭ milicejskaha čynoŭnika, takoje rašeńnie «pryniasie karyść jak šarahovym kiroŭcam, tak i rehistracyjnym adździełam DAI», bo źnizić nahruzku na ich. Akramia taho, hetaja praktyka całkam adpaviadaje mižnarodnaj.
«Mnohija krainy vydajuć paśviedčańni na taki termin. Anałahičnuju ideju vyłučyli taksama ŭ Rasijskaj Fiederacyi», — adznačyŭ Šmajenkaŭ.
Novy paradak praduhledžany Ukazam № 55, jaki 16 lutaha padpisaŭ Alaksandr Łukašenka. Zhodna ź im, źmianšajucca terminy vydačy daviedak ab rehistracyi transpartnych srodkaŭ u DAI (z 10 da 7 pracoŭnych dzion), a taksama pavialičvajucca terminy dziejańnia paśviedčańnia kiroŭcy (z 10 da 20 hadoŭ) i dazvołu na dopusk da ŭdziełu ŭ darožnym ruchu aŭtamabilaŭ, z hoda vypusku jakich prajšło mienš za 3 hady (da 3 hadoŭ).
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary