Stała viadoma pra śmierć jašče adnaho vysokapastaŭlenaha siłavika
Pravaabaroncy z Mayday team daviedalisia pra śmierć kala čatyroch miesiacaŭ tamu načalnika ŭpraŭleńnia pa supraćdziejańni kibierzłačynnaści Bresckaha UUS pałkoŭnika Andreja Hlinskaha. Jamu było 44 hady, a na pasadu jon zastupiŭ letam 2022 hoda.
U milicyi, pavodle infarmacyi Mayday team, Hlinski prapracavaŭ roŭna 20 hadoŭ. Adrazu paśla ŭniviersiteta jon pajšoŭ pracavać u adździeł pa baraćbie sa złačynstvami ŭ śfiery vysokich technałohij.
Siłavik śpiecyjalizavaŭsia na kradziažach z dapamohaj fišynhu, a taksama čytaŭ lekcyi pra «kibierteraryzm» u Bresckim dziaržuniviersitecie.
U apošni hod jahonaje padraździaleńnie zajmałasia hramadzianami, jakija rabili niezakonnyja apieracyi z kryptavalutaj. Hrošy ŭ bolšaści svajoj mieli kryminalnaje pachodžańnie. U niekatorych vypadkach sumy kanfiskacyj pa rašeńni siłavikoŭ składali bolš za paŭmiljona dalaraŭ ZŠA.
Kamientary