Nie Cimafiej, a Cimatejuš. Biełarus choča źmianić imia dla zručnaści zamiežnikaŭ
U anhłamoŭnaj sacsietcy Reddit źjaviŭsia post ad biełarusa, jaki źbirajecca pryniać polskaje hramadzianstva. Mužčynu kličuć Cimafiejem, ale pieranosić biełaruski varyjant imia ŭ novyja dakumienty jon nie žadaje.
Biełarus piša, što jaho imia zapisvajecca łacinskimi litarami jak Tsimafei, bližejšy anałah u Polščy — Tymoteusz. Ale mužčyna turbujecca, što zamiežnikam čytać polski varyjant budzie ciažka, a Cimafiej jakraz šmat pracuje ź ludźmi z roznych krain, tamu dla jaho heta važna.
Aŭtar pasta pryvodzić roznyja anałahi svajho imieni na łacinicy — Timofei, Timofej, Tymofii, Tim. Jon pytajecca ŭ karystalnikaŭ Reddit: jaki z varyjantaŭ budzie bližejšym da polskaha Tymoteusz?
Niekalki kamientataraŭ prapanujuć Cimafieju pakinuć svajo biełaruskaje imia, tolki napisać jaho łacinicaj, ale mužčyna nie razhladaje taki varyjant. Jon piša, što nichto ŭ Polščy nie moža pravilna vymavić jaho imia, i admaŭlaje parady kamientatara papraŭlać ludziej ci vykarystoŭvać karotkuju formu imia, kab nie źmianiać svaju identyčnaść dziela zručnaści inšych ludziej. Voś što piša Cimafiej:
«Navat dla mianie heta niazručna. Transkrybiravańnie biełaruskich imionaŭ łacinicaj žudasnaje, usie heta pryznajuć (ja lublu biełaruskuju movu, ale toje, jak u pašpartach zapisvajuć imiony, dziŭna)».
Inšy dzivicca tamu, što biełarus admaŭlajecca ad polskaha Tymoteusz — maŭlaŭ, kali ty sabraŭsia być palakam, musiš prymać polskaje imia jak jość. Biełarus adkazvaje:
«Siońnia lepš być čałaviekam śvietu. Ja lublu Polšču, ja lublu Biełaruś, ale pracuju ź ludźmi z usiaho śvietu i šmat padarožničaju. Dyk čamu mnie treba stvarać štučnyja ciažkaści dla ludziej i siabie?»
Inšyja kamientatary prapanujuć svaje varyjanty imionaŭ dla Cimafieja: Timof, Tymon, Timothy, Tomasz, Timmy. Biełarusu nahadvajuć, što jamu nie abaviazkova vybirać zručnaje dla inšych imia, hałoŭnaje, kab jamu samomu było kamfortna. A ŭ zvyčajnym žyćci možna prosta pradstaŭlacca jak Cim (Tim).
«Naša Niva» — bastyjon biełaruščyny
PADTRYMAĆČytajcie taksama:
«Stamiłasia być Volchaj, kali ja Olha». Čamu i jak biełarusy źmianiajuć svaje imiony za miažoj
«Vočy bajacca, a ruki robiać». Biełarusy raskazali, čamu i jak pierachodzili na rodnuju movu
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary
Kaniešnie, miesca na polskaje, ci tym bolš biełaruskaje ŭ ich niama. Tolki pusty huk, što "Ja lublu Polšču, ja lublu Biełaruś", čysta dziela hramadzianstva. Samapavahi za hroš.
hramadzianiniežychary śvietu biez karanioŭ. Abo ty Cimafiej, abo Tymoteusz, abo Timothy. A nie stvaraješ niejkija niejsnujučyja formy typu Tymateusz.