Miemaryjał u Śvietłahorskim rajonie, adkryty 4 hady tamu, užo staviać na rekanstrukcyju
U Śvietłahorsku pravodziać hramadskaje abmierkavańnie prajekta rekanstrukcyi miemaryjała «Ała», adkrytaha ŭ 2020 hodzie na miescy adnajmiennaj vioski, spalenaj nacystami padčas Druhoj suśvietnaj vajny. Jak pišuć «Śvietłahorskija naviny», pastanovu ab rekanstrukcyi pryniali ŭ suviazi z pavieličeńniem kolkaści naviedvalnikaŭ i z metaj palapšeńnia jakaści ich absłuhoŭvańnia.
Ramont praduhledžvaje ŭstanoŭku dadatkovych hranitnych miemaryjalnych plit, rekanstrukcyju vystavačnaha paviljona, zamienu razburanych nadpisaŭ abjomnymi litarami z škłofibrabietonu. Taksama tut źjavicca parkoŭka na 18 mašyna-miescaŭ, uklučajučy 6 — dla turystyčnych aŭtobusaŭ.
Płanujecca ŭstalavać i sistemu videanazirańnia za abjektam, a vonkavaje aśviatleńnie i padśviatleńnie pavinnyja zapracavać na soniečnych batarejach. Akramia taho, pobač z kompleksam pastaviać bijaprybiralni.
Taksama anansavali naniasieńnie na abieliski vyjaŭlenych u chodzie pošukavych rabot proźviščaŭ mirnych žycharoŭ, jakija zahinuli ŭ 1944 hodzie padčas karnaj apieracyi, a taksama znoŭ vyjaŭlenyja proźviščy savieckich vajskoŭcaŭ, jakija zahinuli pry vyzvaleńni hetaj miascovaści.
Jak śćviardžajecca ŭ prajektnaj dakumientacyi, usie hetyja dziejańni nakiravanyja na «ŭzmacnieńnie emacyjnaha i infarmacyjnaha ŭździejańnia». Košt rabot z krasavika pa vierasień 2024 hoda acanili prykładna ŭ 87 tys. rubloŭ, košt usiaho budaŭnictva pakul nieviadomy.
Viosku Ała, u jakoj naprykancy vajny žyli nie tolki miascovyja ludzi, ale i ŭciekačy z navakolnych viosak, ranicaj 14 studzienia 1944-ha akružyli karniki. Jany siłkom zahnali ludziej u chaty, nie škadujučy navat starych i dziaciej, a paśla padpalili budynki z začynienymi ŭnutry viaskoŭcami. Usich, chto sprabavaŭ vybracca z ahniu, rasstrelvali. Tady zahinuła 1758 čałaviek, siarod jakich 950 dziaciej. Paśla vajny vioska nie adradziłasia.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary