U Homieli dyrektar pradpryjemstva nabraŭ chabaru na 27 tamoŭ kryminalnaj spravy
U Homieli vykryli karupcyjnuju schiemu, jakaja pracavała na praciahu čatyroch hadoŭ. Dyrektar adnaho z pradpryjemstvaŭ zabiaśpiečvaŭ pieramohu na konkursnych tarhach kamiercyjnym firmam, za što rehularna atrymlivaŭ uznaharody.
Uvahu milicyi kiraŭnik pryciahnuŭ u kastryčniku 2019 hoda. Źjaviłasia infarmacyja ab atrymańni im chabaraŭ ad kontrahientaŭ za vybar ich u jakaści pastaŭščykoŭ materyjałaŭ i kamplektujučych. U spravie fihurujuć bolš za 30 damovaŭ, dzie pastaŭščyki vyjhravali konkurs, tamu što zahadzia viedali sumy, jakija zajaviać ich kankurenty, piša belkagomel.by.
Kiraŭnik mieŭ svaju cikavaść. Zajmanaja zavodam niša vuzkaja ŭ svaim siehmiencie rynku, tamu kontrahienty byli rady zbyć svaje detali choć na jakich umovach i «dziakavali» za zaklučeńnie damovaŭ valucie. Śledstvu ŭdałosia dakazać, što ahulnaja suma chabaraŭ pa pieršym dziasiatku zakupak skłała kala 22 tysiač rubloŭ u ekvivalencie.
Adčuŭšy impet da «adkataŭ», dyrektar pačaŭ patrabavać ich taksama ad budaŭničych arhanizacyj, jakija vykonvali ramont na vytvorčych płoščach. U hetym vypadku suma chabaraŭ pieravysiła 32 tysiačy rubloŭ. Braŭ ich nie tolki hrašyma, ale i kieramičnaj plitkaj z santechnikaj.
U šerahu vypadkaŭ budaŭničyja firmy vykonvali raboty pa ramoncie pamiaškańniaŭ, ale zastavalisia ni z čym, bo zakazčyk zaciahvaŭ padpisańnie dakumientaŭ ab pryjomcy rabot. Kab viarnuć sabie choć častku zaroblenaha, pryvatniki davali słužbovaj asobie chabar.
Schiemu raskrucili źnizu. Kali za chabaradavalnikaŭ surjozna ŭzialisia orhany dziaržbiaśpieki, tyja biez vahańniaŭ dali pakazańni na chabarnika. Raspaviali, kali davali hrošy, kamu i za što.
— Usiaho śledčyja orhany dakazali bolš za 15 epizodaŭ atrymańnia chabaraŭ asabista dyrektaram zavoda. Materyjały kryminalnaj spravy skłali 27 tamoŭ. U cełym abvinavačany svaju vinu pryznaŭ, nie pahadziŭsia tolki z sumami niezakonnaha ŭznaharodžańnia pa asobnych epizodach, — raspaviała «vaviorcy» pamočnik prakurora horada Homiela Alena Łapickaja.
— Sud Čyhunačnaha rajona Homiela pryznaŭ kiraŭnika vinavatym i pryznačyŭ pakarańnie ŭ vyhladzie 7 hadoŭ pazbaŭleńnia voli va ŭmovach uzmocnienaha režymu sa štrafam 800 bazavych (32 tysiačy rubloŭ).
Asudžany pazbaŭleny prava zajmać arhanizacyjna-rasparadčyja i administracyjna-haspadarčyja pasady na 5 hadoŭ.
Nie paźbiehli adkaznaści i chabaradavalniki — im pryznačanyja pakarańni ŭ vyhladzie abmiežavańnia voli. Usim treba budzie vypłacić vialikija štrafy pa 400 bazavych vieličyń.
Prysud u zakonnuju siłu nie ŭstupiŭ, moža być abskardžany i apratestavany.
Namieśniku kiraŭnika pradpryjemstva z hrupy kampanij «Santa» dali 10 hadoŭ za bujny chabar
Zaviali kryminałku, ale potym zamiali. Taki fakt byŭ u bijahrafii achoŭnika Łukašenki, jaki staŭ namieśnikam jaho kiraŭnika spraŭ
Prasłuchoŭka i «chabar» ad KDB. Stała viadoma, jak sudzili eks-kiraŭnika achovy Łukašenki
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič7
Kamientary