«Pryjšli takija nachabnyja. Nibyta na pieramovy, a pa fakcie prymać kapitulacyju parłamienta». Hihin pachvaliŭsia historyjaj z žniŭnia 2020
Historyi, pra jakija nielha maŭčać.
Deputat Pałaty pradstaŭnikoŭ Vadzim Hihin padzialiŭsia svaimi ŭražańniami ad historyi, jakaja adbyłasia ŭ žniŭni 2020 hoda.
«Dobra zapomniŭsia dzień 14 žniŭnia 2020 hoda. Tady ŭ Pałatu pradstaŭnikoŭ zajaviłasia «delehacyja»: Aleh Hułak («Biełaruski Chielsinkski Kamitet»), byccam by ad BCHK była i Taćciana Proćka, Valancin Stefanovič («Viasna»), i chtości ad Biełaruskaj asacyjacyi žurnalistaŭ.
Pryjšli jany takija hanarlivyja, nachabnyja. Nibyta na pieramovy, a pa fakcie prymać kapitulacyju parłamienta. Daviałosia im sioje-toje patłumačyć. Ad Pałaty pradstaŭnikoŭ staršym byŭ vice-śpikier Valeryj Mickievič, udzielničali mnohija viadomyja našy deputaty.
Ja pradstaŭlaŭ Biełaruski sajuz žurnalistaŭ. Tady pasłancam ekstremistaŭ rastłumačyli, što, moža, u ich i «revalucyja», ale daloka nie ŭsie revalucyi skančajucca pośpiecham. I voś kali jany pravalvajucca, tady hora-«revalucyjanieram» moža nie pazdarovicca. A ich «revalucyja» dakładna pravalicca, bo my budziem za našaha prezidenta haroj. Vorahu daviadziecca sutyknucca z kalektyŭnym Łukašenkam. Paraili im vybiracca, pakul cełyja.
«Parłamiencioram» dobra davali ŭ kości našy parłamientaryi. Asabliva ŭrezalisia ŭ pamiać vystupy Aleha Hajdukieviča i Ihara Marzaluka.
Uzhadvaju i svaju pikiroŭku sa Stefanovičam. Toj zavioŭ katrynku pra «hvałt, źbićcio i dyktaturu».
— Vy jašče dyktatury nie bačyli, — adkazaŭ ja.
— Što vy majecie na ŭvazie?
— Nie supakoiciesia — spaznajecie.
Tak i pajšli jany ni z čym».
Naprykancy dopisu Hihin kpić z taho, što Aleh Hułak pamior u Vilni, Valancin Stefanovič znachodzicca ŭ kałonii, a BAŽ i BCHK byli razhromlenyja.
Darečy, vyhladaje, što mienavita paśla toj sustrečy ŭ centry Minska sustreli pjanaha Ihara Marzaluka. Deputat paśla davodziŭ, što pieranios insult na nahach.
V Minskie zamiečien očień hrustnyj dieputat Marzaluk, kotoryj stał iźviestien błahodaria apłodismientam Łukašienko so ślezami pic.twitter.com/H2Ws2PzyYk
— Čaj z vareńniem (@belteanews) August 14, 2020
Kamientary
Vsia v ślezach i hubnoj pomadie, pierpačkano jeho lico