Maskva nie źbirajecca vajavać z NATA, pakolki ZŠA, što ŭznačalvajuć vajenny błok, traciać na abaronu šmatkroć bolš, čym Rasija, zajaviŭ prezident RF.
«U nas niama nijakich ahresiŭnych namieraŭ u adnosinach da hetych dziaržaŭ. My i va Ukrainie b nikoli ničoha nie rabili, kali b tam dziaržpieravarot nie ździejśnili, a potym nie pačali b vajennyja dziejańni na Danbasie», — paŭtaryŭ mantru Pucin na sustrečy z vajskoŭcami ŭ Taržku.
Jon nahadaŭ, što vajenny biudžet ZŠA ŭ 2022 hodzie skłaŭ kala $811 młrd, a Rasii — $72 młrd. «I my što, majučy na ŭvazie voś hetyja suadnosiny, źbirajemsia vajavać z NATA, ci što? Nu heta prosta tryźnieńnie», — adznačyŭ Pucin.
Mienš čym dva tydni tamu, 17 sakavika, Pucin dapuściŭ, što Rasija moža sutyknucca z NATA ŭ poŭnamaštabnym kanflikcie, nahadvaje The Moscow Times.
«Ja dumaju, usio mahčymaje ŭ sučasnym śviecie. Ale ja ŭžo kazaŭ, i heta zrazumieła dla ŭsich, što heta budzie ŭ adnym kroku ad poŭnamaštabnaj Treciaj suśvietnaj vajny», — kazaŭ jon na pres-kanfierencyi pa vynikach prezidenckich vybaraŭ.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary