U terakcie ŭ «Krokusie» zahinuŭ pałkoŭnik śpiecnazu HRU rasijskaj armii — tolki pryjechaŭ z Ukrainy
Cimur Miaśnikoŭ pryjechaŭ u Maskvu z vajny va Ukrainie, kab sustrecca ź siamjoj, atrymaŭ niekalki kulavych ranieńniaŭ i pamior u špitali.
Pa słovach kiraŭnika samarskaha adździaleńnia arhanizacyi «Aficery Rasii» Artura Malivančuka, Miaśnikoŭ słužyŭ u Hienštabie i ŭ 3-j asobnaj bryhadzie śpiecyjalnaha pryznačeńnia. Heta armiejski śpiecnaz, jaki bazujecca ŭ Taljaci, jon adnosicca da rasijskaj vajennaj raźviedki.
Padraździaleńnie ŭdzielničaje ŭ vajnie va Ukrainie jak minimum z 2015 hoda. Z pasady vynikaje, što śpiecnaz HRU — apošniaje miesca słužby pałkoŭnika, piša Radyjo Svaboda.
Zabity vajavaŭ va Ukrainie jak minimum apošnija dva hady, paviedamiŭ Malivančuk, akramia taho, jon udzielničaŭ u rasijskich apieracyjach u Kosavie i Tadžykistanie.
Pavodle apošnich źviestak, achviarami napadu na «Krokus Sici Choł» stali 143 čałavieki. U Rasii zaviedziena kryminalnaja sprava ab terakcie. Pa abvinavačańni ŭ padrychtoŭcy ataki i jaje vykanańni aryštavany vosiem čałaviek.
Miaśnikoŭ značyŭsia ŭ składzienym MNS Rasii śpisie paranienych u vyniku napadzieńnia na «Krokus».
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»33
Kamientary