Vialikdzień u Malinaŭcy. Fota: «Naša Niva»
U minułuju niadzielu Varfałamiej nakiravaŭ samyja ciopłyja vinšavańni ŭsim cerkvam-siostram, jakija ŭžo śviatkujuć Vialikdzień. U toj ža čas jon u svaim pasłańni zajaviŭ, što raździelnaje śviatkavańnie źjaŭlajecca «skandałam».
U hetym hodzie katoliki i pratestanty, a taksama pravasłaŭnyja ŭ Finlandyi, śviatkavali Vialikdzień 31 sakavika. Pravasłaŭnyja buduć śviatkavać Vialikdzień 5 maja.
U nastupnym hodzie śviatkavańni Vialikadnia va Uschodnich i Zachodniaj Cerkvach prypadaje na adzin dzień — 20 krasavika.
Patryjarch padkreśliŭ, što ščyra spadziajecca i molicca, kab hetaje sumiesnaje śviatkavańnie ŭ nastupnym hodzie było nie vypadkovaj razavaj padziejaj, a pačatkovaj iskraj dla dalejšych starańniaŭ pa abjadnańni daty Vialikadnia.
Roznyja daty Vialikadnia na Uschodzie i Zachadzie abumoŭleny roznymi sposabami jaho vyličeńnia. Naprykład, pravasłaŭnyja cerkvy, jakija žyvuć pavodle novajulijanskaha kalendara, vyznačajuć datu Vialikadnia inšym sposabam, čym zachodnija Cerkvy, jakija praviali hryharyjanskuju reformu kalendara ŭ XVI stahodździ.
U krajnim vypadku daty Vialikadnia mohuć mieć roźnicu da piaci tydniaŭ. Taki vypadak maje miesca sioleta.
Čytajcie taksama:
Jak pryhoža, ale ekałahična krasić jajki da Vialikadnia
Katalickija manaški ŭ Minsku zładzili na Vialikdzień prabieh na samakatach
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)