Śviet44

U top-5 samych kamfortnych haradoŭ Rasii ŭklučyli «pryfrantavy» Biełharad

Biełharad, jaki apošni hod rehularna padviarhajecca abstrełam, zaniaŭ čaćviortaje miesca ŭ rejtynhu bujnych haradoŭ Rasii z samym kamfortnym asiarodździem dla pražyvańnia, vynikaje z prezientacyi rasijskaha Minbudu «Indeks jakaści haradskoha asiarodździa» za 2023 hod, piša The Moscow Times.

U Biełharadzie paśla abstrełu. Fota: t.me/v_v_demidov

Biełharad pavodle hetaha rejtynhu nabraŭ 250 bałaŭ i zusim niaznačna adstaŭ ad trojki lidaraŭ: Myciščaŭ, Chimak (Maskoŭskaja vobłaść) i Jarasłaŭla, u jakich 251 bał.

Pry raźliku analizavalisia 36 pakazčykaŭ, maksimalna nasieleny punkt moh nabrać 360 bałaŭ.

Akramia Biełharada, u śpis trapili jašče 10 haradoŭ vobłaści, u tym liku Šabiekina (219 bałaŭ), Hrajvaran (220 bałaŭ) i Vałujki (207 bałaŭ), jakija taksama rehularna źjaŭlajucca ŭ chronicy vajennych dziejańniaŭ. U cełym Biełharadskaja vobłaść atrymała vysokuju acenku, dola kamfortnych haradoŭ u joj skłała 91%.

Pavodle słoŭ rasijskaha ministra budaŭnictva i ŽKH Ireka Fajzulina, aceńvalisia nie tolki dobraŭparadkavańnie terytoryj i hramadskaj prastory, ale i raźvićcio darožnaj sietki da transpartnaj i sacyjalna-zabaŭlalnaj infrastruktury, piešachodnaj dastupnaści da haradskich punktaŭ pryciahnieńnia, a taksama biaśpieka.

Z ulikam apošniaha nie vielmi zrazumieła, jak Biełharad moh apynucca na takim vysokim miescy ŭ svajoj hrupie, bo jon rehularna padviarhajecca abstrełam, a inšyja harady, jakija taksama pryznali kamfortnymi dla pražyćcia, — jašče i atakam dyviersantaŭ z boku Ukrainy.

U minułym hodzie, pa vynikach jakoha składzieny rejtynh, udzielniki praŭkrainskich uzbrojenych farmiravańniaŭ pranikali ŭ Biełharadskuju vobłaść niekalki razoŭ i niejki čas navat kantralavali šerah nasielenych punktaŭ, uklučajučy Novuju Tavałžanku. U rehijonie abjaŭlali režym kontrterarystyčnaj apieracyi. Žychary masava skardzilisia na adsutnaść abarony z boku ŭładaŭ, nizkija kampiensacyi vydatkaŭ i maradziorstva rasiejskich vajskoŭcaŭ.

Abstreły, naloty dronaŭ, praca SPA i evakuacyja stali ŭ Biełharodskaj vobłaści budzionnaj źjavaj. Kali ŭ 2022 hodzie hubiernatar Viačasłaŭ Hładkoŭ paviedamlaŭ pra ataki tolki čas ad času, to ciapier jahonyja zvodki ŭjaŭlajuć saboj zborku pa ŭsich nasielenych punktach za sutki.

Usiaho z pačatku vajny ŭ vyniku napadaŭ na rehijon zahinuli bolš za 135 miascovych žycharoŭ. Taksama na Biełharodskuju vobłaść pieryjadyčna padajuć fuhasnyja bomby z samalotaŭ Minabarony Rasii.

Akramia taho, u Biełharodskaj vobłaści apošnim časam da rekordnych značeńniaŭ vyrasła kolkaść ciažkich i asabliva ciažkich złačynstvaŭ. Pavodle źviestak MUS, letaś tam vyjavili 5614 takich dziejańniaŭ. Heta najbolšy pakazčyk jak minimum z 2010 hoda.

Kamientary4

  • Mafkees
    03.04.2024
    Eto pośle sankcij hienierała Budanova -minus 14% po bienzu)) Normalnyj prikoł,iumor čiernieje čiem u anhličan,mnie nravitsia)
  • Bobr
    03.04.2024
    Jeśli frontovoj Biełhorod komfortnyj horod, to priedstavlaju kak živiotsia v druhich horodach))
  • SBU
    04.04.2024
    Dziakuj usim chto zrabiŭ BNR maksimalna kamfortnaj terytoryjaj dla žyćcia. U hetym hodzie płanujem pavysić kamfort dla žycharoŭ Kurskaj i Varoniežskaj Narodnych Respublik.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Niečym treba zaŭsiody achviaravać. Mnie pryjšłosia achviaravać siamjoj»: syn Iny Afanaśjevaj pra pavaroty losu12

«Niečym treba zaŭsiody achviaravać. Mnie pryjšłosia achviaravać siamjoj»: syn Iny Afanaśjevaj pra pavaroty losu

Usie naviny →
Usie naviny

Va Ukrainie raspačali kryminalnuju spravu praz traŭmavanuju ŭ Dubai 20-hadovuju Maryju Kavalčuk

Siońnia nočču Jeŭropa i Ukraina piarojduć na letni čas. Ci treba pieravodzić strełki biełarusam?8

MUS Polščy: Anžalika Mielnikava znachodzicca za miežami Polščy ŭžo niekalki tydniaŭ2

Na pažary ŭ Asipovickim rajonie zahinuła 90-hadovaja para

Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady51

«€1000 za pasłuhi ahientaŭ — heta ŭžo norma». Što zaraz adbyvajecca z šenhienam i na što iduć biełarusy dziela vizy3

Źnikły ŭ Baranavičach 10-hadovy chłopčyk znojdzieny, pošuki išli ŭsiu noč

Vizit Vensa ŭ Hrenłandyju: vice-prezident ZŠA raspavioŭ pra pahrozy z boku Rasii i paabiacaŭ nie ŭžyvać siłu1

U Minsku stvorać pieršy atrad narodnaha apałčeńnia6

bolš čytanych navin
bolš łajkanych navin

«Niečym treba zaŭsiody achviaravać. Mnie pryjšłosia achviaravać siamjoj»: syn Iny Afanaśjevaj pra pavaroty losu12

«Niečym treba zaŭsiody achviaravać. Mnie pryjšłosia achviaravać siamjoj»: syn Iny Afanaśjevaj pra pavaroty losu

Hałoŭnaje
Usie naviny →

Zaŭvaha:

 

 

 

 

Zakryć Paviedamić