8 krasavika ŭ sudzie Centralnaha rajona Homiela sudździoj Viktaram Kazačakam było nakładziena na Navuma Kaca administracyjnaje spahnańnie pa č. 2 art. 19.11 (raspaŭsiud, vyrab, zachoŭvańnie, pieravozka infarmacyjnaj pradukcyi, jakaja ŭtrymlivaje zakliki da ekstremisckaj dziejnaści albo prapahanduje takuju dziejnaść) KaAP RB.
Vynik administracyjnaha spahnańnie vyśviatlajecca, piša «Homielskaja viasna».
Navum Kac viadomy jak najlepšy pradprymalnik Homielskaj vobłaści, kandydat ekanamičnych navuk, namieśnik staršyni vyšejšaj kaardynacyjnaj rady Respublikanskaj kanfiederacyi pradprymalnictva, piša «Fłahštok».
Apošnim časam Kac źjaŭlaŭsia hiendyrektaram stvoranaha im «Centra biznes-raźvićcia», adnak z 2021 hoda ab dziejnaści hetaj arhanizacyi ničoha nie viadoma, jaje pablik z tych časoŭ nie abnaŭlaŭsia.
A da hetaha biznesoviec vałodaŭ abutkovaj fabrykaj «Batyčeli». Miarkujučy pa infarmacyi ŭ sacsietkach, jana spyniła pracu jašče ŭ 2019 hodzie.
Adnak Kaca pradstaŭlali mienavita jak kiraŭnika hetaha pradpryjemstva ŭ 2020 hodzie, kali jon uziaŭ udzieł u stvareńni prapahandysckaha filma, nakiravanaha suprać pretendenta na prezidenckuju pasadu Viktara Babaryki.
DziaržTB vypuściła tady manipulatyŭny siužet, u jakim uziali ŭdzieł homielskija pradprymalniki, u tym liku Kac, dadaje «Fłahštok».
Čytajcie taksama:
U Breście za pratesty 2020 hoda zatrymali barystu
Za kamientary pra terakt u «Krokusie» zatrymali jak minimum 13 biełarusaŭ
