Što płanujecca padčas pajezdki?
9-10 krasavika demakratyčnaja lidarka naviedaje vostraŭ u Mižziemnym mory z pracoŭnym vizitam.
Što płanujecca padčas pajezdki:
- sustreča z prezidentam krainy Nikasam Chrystadulidzisam;
- pieramovy sa staršynioj Pastajannaha kamiteta pa zamiežnych i jeŭrapiejskich spravach Charysam Hieorhiadesam i čalcami kamiteta;
- dyjałoh sa staršynioj Pałaty pradstaŭnikoŭ Anitaj Dzimitryu;
- sustreča ź biełarusami Kipra;
- bryfinh dla dypłamataŭ u ambasadzie Polščy;
- pryjom dla biełaruskaha biznesu ŭ ambasadzie ZŠA.
Śviatłana Cichanoŭskaja źviernie ŭvahu ŭładaŭ Kipra na važnaść abarony niezaležnaści Biełarusi, cisku na režym i pryciahnieńnie jaho da adkaznaści.
Pry sustrečach z kiraŭnikami krainy hałoŭnymi temami razmovaŭ stanuć prablemy lehalizacyi biełarusaŭ i šlachi ich vyrašeńnia, u tym liku — praz padtrymku prajekta novaha biełaruskaha pašparta.
Asobna lidarka budzie vieści havorku pra raspracoŭku prahramaŭ reabilitacyi dla byłych palitviaźniaŭ, dziaciej represavanych i vieteranaŭ vajny va Ukrainie i ich siemjaŭ.
«My ŭpieršyniu vypraŭlajemsia na Kipr z nacyjanalnym vizitam, i ja radaja, što razmovy pra Biełaruś tut buduć vieścisia na samym vysokim uzroŭni. U pryvatnaści, z prezidentam krainy — jon adnačasova ŭznačalvaje i ŭrad — my abmiarkujem, jak možna dapamahčy našym palitviaźniam: tym, chto zastajecca za kratami, i tym, chto vyjšaŭ na volu dy patrabuje reabilitacyi. Taksama ja vyniesu na paradak dnia šerah pytańniaŭ, aktualnych dla biełarusaŭ Kipra», — skazała Cichanoŭskaja.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary