Urad Šviejcaryi praviadzie dvuchdzionnuju kanfierencyju vysokaha ŭzroŭniu pa ŭrehulavańni vajny va Ukrainie pad nazvaj «Samit miru» na kurorcie Biurhienštok ŭ kantonie Nidvalden pablizu horada Lucern, paviedamiła vydańnie Blick sa spasyłkaj na šviejcarski Departamient zamiežnych spraŭ.
Hetaja sustreča pavinna stać płatformaj dla dyjałohu na vysokim uzroŭni ab šlachach dasiahnieńnia ŭsioachopnaha, spraviadlivaha i praciahłaha miru va Ukrainie na asnovie mižnarodnaha prava i Statuta AAN, havoryć šviejcarski MZS.
Kanfierencyja pavinna stvaryć ahulnaje razumieńnie ramak, jakija buduć spryjać dasiahnieńniu hetaj mety. Jana taksama pavinna raspracavać kankretnuju darožnuju kartu dla ŭdziełu Rasii ŭ mirnym pracesie.
Adnak, jak zaŭvažaje šviejcarskaje MZS, jość jašče šmat nieviadomych momantaŭ. Pakul nieviadoma, jakija krainy voźmuć udzieł u samicie. Čakajuć, što zaprašeńni dašluć 80-100 dziaržavam. Pry hetym Rasija ŭžo zajaviła, što nie budzie ŭdzielničać u pieramovach u Šviejcaryi.
U svaju čarhu, u Ofisie prezidenta Ukrainy zajaŭlajuć, što Rasija, jakaja parušaje ŭsie mižnarodnyja praviły i humanitarnyja normy, nie moža być udzielnicaj pieršaha hłabalnaha Samitu miru, navat kab chacieła hetaha.
Šviejcaryja pahadziłasia arhanizavać Samit miru na prośbu Ukrainy, pra što abiedźvie dziaržavy abjavili 15 studzienia padčas vizitu Uładzimira Zialenskaha ŭ Biern.
Kamientary