«Ja zładziła im jadzierny vybuch». Amierykanka damahłasia aŭtarskich pravoŭ na knihu, napisanuju ChatGPT. Jakim čynam?
Vydańnie Wired vypuściła materyjał pra piśmieńnicu, jakaja zdoleła pieraviarnuć hulniu ŭ śfiery aŭtarskich pravoŭ na štučnyja tvory. Ale ŭ historyi jość niuans.
60-hadovaja piśmieńnica i adstaŭnaja vieteran armii ZŠA Eliza Šupie zdoleła atrymać aŭtarskija pravy na raman, jaki byŭ zbolšaha napisany pry dapamozie papularnaj niejrasietki ChatGPT. Heta stała značnym precedentam, jaki moža źmianić padychody da vyznačeńnia aŭtarstva va ŭmovach raspaŭsiudžvańnia štučnaha intelektu (ŠI), paviedamlaje vydańnie Wired.
Raman Šupie pad nazvaj «AI Machinations: Tangled Webs and Typed Words» (Machinacyi sa štučnym intelektam: zabłytanyja sietki i drukavanyja słovy») apisvaje žyćcio piśmieńnicy ad asoby padobnaha na jaje piersanaža, jaki, pavodle siužetu, taksama sprabuje zarehistravać svaje pravy na štučny tvor, bo samastojna nie moh jaho napisać z-za fibramijałhii (vostraje kahnityŭnaje zachvorvańnie, jakoje pieraškadžaje kancentracyi i snu, a taksama pravakuje bolevyja sindromy pa ŭsim ciele biez bačnaj na toje pryčyny).
Mienavita najaŭnaść fibramijałhii ŭ Elizy Šupie stała značnym arhumientam na karyść pryznańnia jaje aŭtarstva nad ramanam z boku Biuro rehistracyi aŭtarskich pravoŭ ZŠA, adznačaje Wired.
Spačatku Biuro nie ŭchvaliła zajaŭku piśmieńnicy i zahadała joj prybrać z knihi ŭvieś napisany ŠI materyjał, adnak žančyna praz apielacyju dakazała, što prybrać štučny śled i pry hetym zachavać cełasnaść tvora niemahčyma. Šupie taksama padała Biuro novy varyjant knihi, dzie materyjał ad ŠI byŭ pierapisany i adredahavany (tut joj dapamahli studenty i supracoŭniki Bruklinskaj jurydyčnaj škoły), i tym samym atrymała zhodu na aŭtarstva.
Ale zhoda była dadziena pry adnoj umovie — Šupie nie pryznavałasia aŭtarkaj usiaho tekstu, a tolki aŭtarkaj «vybaru, kaardynacyi i kampanoŭki tekstu, stvoranaha z dapamohaj štučnaha intelektu». Heta aznačaje, što całkam skapijavać tekst knihi budzie nielha, a voś ukraści jaje frahmienty i cytaty paasobku možna, što dazvolić lubomu čałavieku pierasabrać raman Šupie pa častkach i pieravydać jaho nanoŭ, piša Wired.
Adnak heta nie admianiaje taho faktu, što vypadak Šupie moža stać važnym etapam u pieraasensavańni sučasnych zakonaŭ ab aŭtarskim pravie i paŭpłyvać na inšyja normy rehulavańnia śfiery štučnaha intelektu, padkreślivaje vydańnie.
Sama Eliza Šupie ŭsprymaje kančatkovaje rašeńnie Biuro rehistracyi aŭtarskich pravoŭ ZŠA jak ułasnuju pieramohu i ličyć, što «zładziła ŭ śfiery aŭtarskich pravoŭ jadzierny vybuch».
Pamior dzied Koli Łukašenki — były viazień HUŁAHa, asudžany za dapamohu «banderaŭcam»3
Kamientary