Bahdašoŭ, jaki ŭciok z suda ŭ Žodzinie ŭ traŭni, tak i nie znojdzieny
Pavodle infarmacyi pravaachoŭnych orhanaŭ, Siarhiej Bahdašoŭ, jaki ŭciok z suda ŭ Žodzinie ŭ mai 2009 hoda, znachodzicca za miežami Biełarusi. Pra heta na pres-kanfierencyi 21 studzienia ŭ Minsku paviedamiŭ namieśnik prakurora Minskaj vobłaści Alaksandr Maroz.
Pavodle jaho słoŭ, miescaznachodžańnie złačyncy pakul nie ŭstanoŭlena, «orhany ŭnutranych spraŭ pravodziać značnuju pracu pa jaho vyšuku».
Maroz paviedamiŭ, što letaś biełaruskimi pravaachoŭnymi strukturami było adšukana bolš za 700 abvinavačanych, jakija ŭciakli ad kryminalnaha pieraśledu.
Nahadajem, 31-hadovy Siarhiej Bahdašoŭ, uradženiec Jalizava (Mahiloŭskaja vobłaść), abvinavačvaŭsia va ŭčynieńni kradziažoŭ, jamu inkryminujuć pryblizna 30 kryminalnych epizodaŭ. Dziaržabvinavaŭca patrabavaŭ pryhavaryć jaho da 10 hadoŭ pazbaŭleńnia voli.
U budynku suda Bahdašoŭ napaŭ na kanvaira, paraniŭ jaho zatočkaj, zavałodaŭ tabielnaj zbrojaj i ŭciok. Heta adbyłosia 29 maja u 14.40.
U dačynieńni da Bahdašova rasśledujuć dźvie spravy: na padstavie č. 4 art. 294 (kradziež ahniastrelnaj zbroi, bojeprypasaŭ abo vybuchovych rečyvaŭ) i č. 2 art. 413 (ucioki z papraŭčaj ustanovy, jakaja vykonvaje pakarańnie ŭ vyhladzie pazbaŭleńnia voli, aryštnaha doma abo z-pad varty) Kryminalnaha kodeksa. Jaho adšukvajuć pa linii Interpoła.
Sudom Barysaŭskaha rajona asudžany načalnik izalatara časovaha ŭtrymańnia Žodzinskaha HUUS, jaki kanvajavaŭ Bahdašova.
Načalniku IČU pryznačana pakarańnie ŭ vyhladzie čatyroch hadoŭ abmiežavańnia voli z nakiravańniem u papraŭčuju ŭstanovu adkrytaha typu i pazbaŭleńniem prava zajmać peŭnyja pasady terminam na try hady.
Načalnik IČU abvinavačvaŭsia na padstavie č. 1 art. 428 KK (słužbovaja chałatnaść). Rasśledavańnie pravodziła prakuratura Žodzina. Jana ž nakiravała materyjały dla razhladu ŭ haradski sud. Adnak zatym dla bolšaj abjektyŭnaści sprava była pieradadziena ŭ sud Barysaŭskaha rajona.
Asudžany pryhavor nie abskardziŭ, i jon nabyŭ moc.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary