Biełaruś i Minsk patrapili ŭ suśvietny rejtynh koštaŭ na kvatery. Na jakich miescach?
Aŭtary rejtynhu vyvučali košty kvater u centry haradoŭ i na ŭskrainach.
Biełaruś zajmaje 68-je miesca ŭ suśvietnym rejtynhu koštaŭ kvater u centrach haradoŭ. Tablicu apublikavaŭ Forbes na padstavie danych Numbeo.
Pavodle infarmacyi vydańnia, «kvadrat» u centry horada ŭ Biełarusi kaštuje 1613,9 dołara. Siarod krain SND samaje darahoje žyllo ŭ centry ŭ Armienii — 3142,6 dołara za kvadratny mietr. Daražej, čym u Biełarusi, kvatery ŭ centry ŭ Rasii i Azierbajdžanie.
Pa košcie kvater pa-za centram haradoŭ, Biełaruś — 70-ja z pakazčykam 1054,7 dalara za «kvadrat». Samyja darahija kvatery ŭ centry i na ŭskrainach u Hankonhu, Sinhapury i Šviejcaryi.
Minsk u rejtynhu koštu kvater u centry horada zajmaje 248 miesca ŭ śviecie — 1873,4 dalara za «kvadrat». U tablicy cenaŭ pa-za centram stalica Biełarusi na 245-m miescy — 1184,7 dalara za «kvadrat».
Samyja darahija kvatery ŭ Hankonhu, Ciurychu i Ženievie.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary