Byłaja žonka hałoŭnaha redaktara «Novoj Haziety Jevropa» atrymała dzieviać hadoŭ kałonii za zamach na dačku. Jana chavałasia 16 hadoŭ
Historyja ciahniecca z 2007 hoda.
Naŭharodski abłasny sud prysudziŭ Antaninu Martynavu da dzieviaci hadoŭ kałonii ahulnaha režymu za zamach na zabojstva dački. Antanina — byłaja žonka hałoŭnaha redaktara vydańnia «Novaja hazieta Jevropa» Kiryła Martynava.
Pa viersii abvinavačańnia, u lutym 2007 hoda ŭ Vialikim Noŭharadzie Martynava skinuła ŭ leśvičny prajom svaju dačku Alisu. Dzicia ŭ vyniku atrymała traŭmy siaredniaj ciažkaści. Prakuror padčas sprečak zapytvaŭ dla žančyny dziesiać hadoŭ kałonii.
Martynava ŭ apošnim słovie zajaviła pra svaju nievinavataść i paprasiła nie razłučać jaje z dačkoj, paviedamlaje «Novaja hazieta Jevropa».
Hučnaja «Naŭharodskaja sprava» zdaryłasia ŭ 2007 hodzie. Tady Martynavu zatrymali pa padazreńni ŭ zamachu na zabojstva ŭłasnaj dački. Śledstva ličyła, što Antanina pajšła na złačynstva, pakolki dvuchhadovaja Alisa zaminała jaje asabistamu žyćciu.
Sama Martynava tłumačyła, što heta byŭ niaščasny vypadak: jana była niaŭvažlivaja i nie zaŭvažyła, jak dzicia ŭpała. Antanina sama vyklikała chutkuju. Nieŭzabavie ŭ spravie źjavilisia pakazańni 11-hadovaha vidavočcy, jaki raskazaŭ, što «vialikaja dziaŭčynka skinuła ź leśvicy maleńkuju».
Sprava atrymała vialiki hramadski rezanans. Abarona nastojvała na nievinavataści Martynavaj i adznačała, što ŭsia sprava pabudavanaja na pakazańniach niepaŭnaletniaha. Adnak u 2008 hodzie sud prysiažnych pryznaŭ žančynu vinavataj u zamachu na zabojstva.
Paśla abviaščeńnia vierdyktu Martynava źnikła. Jana chavałasia 16 hadoŭ, zatrymali jaje tolki ŭ krasaviku 2024 hoda. U sudzie Antanina raspaviała, što ŭvieś hety čas žyła z dačkoj u Rasii.
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»12
Kamientary