Sudździu, jaki źbieh u Biełaruś, niekalki miesiacaŭ viała polskaja kontrraźviedka
Polski sudździa Tomaš Šmit užo niekalki miesiacaŭ znachodziŭsia pad pilnaj uvahaj Ahienctva ŭnutranaj biaśpieki Polščy. Jaho chacieli aryštavać za špijanaž, ale ŭ kancy apieracyi niešta pajšło nie tak.
Pavodle źviestak partała Onet, jaki spasyłajecca na krynicy ŭ śpiecsłužbach i ŭradzie, kontrraźviedcy było viadoma, što Šmit jak minimum niekalki hadoŭ byŭ u kantakcie ź biełaruskimi śpiecsłužbami, a taksama z rasijskimi ahientami ŭ Polščy.
Kontrraźviedka źbirała dokazy dla aryštu sudździ pa abvinavačvańni ŭ špijanažy na karyść zamiežnaj raźviedki. Adnak pa niejkaj pryčynie zatrymać Šmita nie ŭdałosia.
Premjer-ministr Donald Tusk i kaardynatar śpiecsłužbaŭ Tomaš Siemoniak inicyjavali ŭnutranaje rasśledavańnie ŭ Ahienctvie ŭnutranaj biaśpieki. Praviarajecca abjom sakretnaj infarmacyi, da jakoj sudździa mieŭ dostup pa pracy. Jašče adna zadača pravierki — vyśvietlić, jak Šmit zmoh spakojna pakinuć Polšču i źjechać u Biełaruś.
Pavodle źviestak žurnalistaŭ, Šmit mieŭ niepasredny dostup da klučavoj dla biaśpieki krainy infarmacyi. Sudździa razhladaŭ u tym liku spravy ab admovie ŭ dostupie da sakretnaj infarmacyi. U hetych vypadkach Šmit pavinien byŭ znajomicca z hetymi sakretnymi danymi, a taksama vyvučać niuansy sprečak pamiž roznymi słužbami. Hetaja infarmacyja nieacennaja dla zamiežnych śpiecsłužbaŭ, asabliva biełaruskich i rasijskich.
Šmit, aproč usiaho inšaha, razhladaŭ spravy ab admovie ŭ dostupie da sakretnaj infarmacyi NATA. Kolki takich spraŭ razhledzieŭ sudździa, i da jakoj kolkaści dakumientaŭ jon atrymaŭ dostup, naležyć vyśvietlić padčas pravierki. Premjer patrabuje, kab spravazdaču pra vyniki padali ciaham niekalkich dzion.
Prakuratura ŭžo raspačała kryminalnuju spravu ab špijanažy.
Tusk: Suviaź sudździ Šmita ź Biełaruśsiu maje doŭhuju historyju
Kolki zarablaŭ i jakoj majomaściu vałodaje sudździa, jaki źbieh z Polščy ŭ Biełaruś
Što za sudździa, jaki źbieh z Polščy da Łukašenki? Tomaš Šmit datyčny da źlivu kampramatu na kaleh
Polski sudździa paprasiŭ abarony ŭ biełaruskich uładaŭ
«Absalutna šakujučy vypadak». Kiraŭnik MZS Polščy prakamientavaŭ namier polskaha sudździ prasić palityčny prytułak u Biełarusi
«Zdradnik i padluha». Daradca prezidenta Polščy — pra sudździu Šmita, jaki źbieh u Biełaruś
Jany pajšli ad nas u 2024 hodzie. Zhadvajem biełarusaŭ, jakich my stracili9
Kamientary
“Kontrraźviedka źbirała dokazy dla aryštu sudździ pa abvinavačvańni ŭ špijanažy na karyść zamiežnaj raźviedki. Adnak pa niejkaj pryčynie zatrymać Šmita nie ŭdałosia”.
🤣
Čamu nielha prosta pryznać, što abłažalisia