Kampanija Microsoft prapanavała svaim supracoŭnikam z Kitaja pierajechać u ZŠA, Irłandyju, Aŭstraliju i Novuju Ziełandyju. Prapanovu atrymali ad 700 da 800 čałaviek, jakija pracujuć u halinie štučnaha intelektu, mašynnaha navučańnia i vobłačnych vyličeńniaŭ. Supracoŭniki pavinny pryniać rašeńnie ab pierajeździe da červienia, piša The Moscow Times.
Supracoŭnikam kampanii paviedamili, što pierajezd dapamoža ŭmacavać hłabalnyja ambicyi Microsoft u śfiery vobłačnych vyličeńniaŭ i zadavolić patreby ŭ inžynierach štučnaha intelektu ŭ roznych miescach, skazaŭ surazmoŭca vydańnia The World Street Journal.
Bloomberg, u svaju čarhu, adznačaje, što ŭ Azijacka-Cichaakijanskaj hrupie daśledavańniaŭ i raspracovak Microsoft pracuje kala 7000 śpiecyjalistaŭ, bolšaść ź jakich znachodziacca ŭ Kitai. Mnohija ź ich udzielničajuć u hłabalnych daśledavańniach i raspracoŭkach asnoŭnych praduktaŭ kampanii, uklučajučy štučny intelekt.
Ahienctva Reuters raniej daviedałasia, što ZŠA majuć namier abmiežavać dostup Kitaja da prahramnaha zabieśpiačeńnia štučnaha intelektu, jaki lažyć u asnovie takich dadatkaŭ, jak ChatGPT. Krynicy ahienctva paviedamlali, što Ministerstva handlu razhladaje mahčymaść uviadzieńnia novych praviłaŭ, jakija abmiažoŭvajuć ekspart madelaŭ ŠI z zakrytym zychodnym kodam.
Reuters taksama adznačaŭ, što miery pa abmiežavańni ekspartu ŠI-čypaŭ u Kitaj, jakija ZŠA prymajuć apošnija dva hady, nakiravanyja na zapavoleńnie raźvićcia Piekinam pieradavych technałohij u vajskovych metach.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary