Minskaha pravizara asudzili da «chatniaj chimii» za ŭdzieł u akcyi pratestu ŭ 2020-m
U sudzie Partyzanskaha rajona Minska 6 maja vyniesieny prysud Ramanu Krukoviču, abvinavačanamu va ŭdziele ŭ akcyi pratestu ŭ Minsku ŭ 2020 hodzie (č. 1 art. 342 Kryminalnaha kodeksa). Spravu razhladała sudździa Vieranika Abzalimava, piša «Viasna».

Da zatrymańnia Krukovič pracavaŭ pravizaram u RUP «Biełfarmacyja». Byŭ zatrymany viasnoj 2024 hoda i da suda znachodziŭsia pad hrašovym zakładam 8 000 rubloŭ.
Pa materyjałach abvinavačańnia, Raman Krukovič u žniŭni 2020 hoda «znachodziŭsia ŭ Minsku i ruchaŭsia razam ź siabrami i znajomymi pa prajeznaj častcy praśpiekta Pieramožcaŭ, błakavaŭ i zastupaŭ šlach transpartnym srodkam, što paciahnuła parušeńnie pracy hramadskaha transpartu. Hetyja dziejańni pryčynili pradpryjemstvu «Minsktrans» materyjalnuju škodu na sumu 7 580 rubloŭ 22 kapiejki».
U telefonie abvinavačanaha byli foty, na jakich bačna, što jon znachodziŭsia na prajeznaj častcy darohi.
Sud pryznačyŭ Ramanu Krukoviču pakarańnie ŭ vyhladzie chatniaj chimii (dva z pałovaj hady).
Kamientary