Мінскага правізара асудзілі да «хатняй хіміі» за ўдзел у акцыі пратэсту ў 2020-м
У судзе Партызанскага раёна Мінска 6 мая вынесены прысуд Раману Круковічу, абвінавачанаму ва ўдзеле ў акцыі пратэсту ў Мінску ў 2020 годзе (ч. 1 арт. 342 Крымінальнага кодэкса). Справу разглядала суддзя Вераніка Абзалімава, піша «Вясна».
Да затрымання Круковіч працаваў правізарам у РУП «Белфармацыя». Быў затрыманы вясной 2024 года і да суда знаходзіўся пад грашовым закладам 8 000 рублёў.
Па матэрыялах абвінавачання, Раман Круковіч у жніўні 2020 года «знаходзіўся ў Мінску і рухаўся разам з сябрамі і знаёмымі па праезнай частцы праспекта Пераможцаў, блакаваў і заступаў шлях транспартным сродкам, што пацягнула парушэнне працы грамадскага транспарту. Гэтыя дзеянні прычынілі прадпрыемству «Мінсктранс» матэрыяльную шкоду на суму 7 580 рублёў 22 капейкі».
У тэлефоне абвінавачанага былі фоты, на якіх бачна, што ён знаходзіўся на праезнай частцы дарогі.
Суд прызначыў Раману Круковічу пакаранне ў выглядзе хатняй хіміі (два з паловай гады).
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары