Novyja stancyi minskaha mietro ŭsio ž płanujuć adkryć da kanca hoda
Novyja stancyi mietro Zielenałužskaj linii majuć vysokuju stupień hatoŭnaści i śpiecyjalisty prystupili da puskanaładačnych rabot, jakija majuć namier zaviaršyć u druhim paŭhodździ, raskazaŭ Minsk-Navinam kiraŭnik dyrekcyi pa budaŭnictvie Minskaha mietrapalitena Pavieł Carun.
Tendar na praviadzieńnie puskanaładačnych rabot na stancyjach «Aeradromnaja», «Niemaršanski Sad» i «Słucki Haściniec» Zielenałužskaj linii staličnaj padziemki ŭžo adbyŭsia. U śniežni 2023 hoda zaklučana adpaviednaja damova.
— Pa hrafiku całkam zaviaršyć asnoŭnyja budaŭniča-mantažnyja raboty na novych stancyjach płanujecca ŭ lipieni 2024-ha. Častkova nieabchodnaje abstalavańnie ŭžo zmanciravana, u lutym prystupili da jaho naładki. U dalejšych płanach — abkatka ruchomaha składu, — adznačyŭ surazmoŭca.
— Što tyčycca elektradepo «Słuckaje», paŭtorna abvieščany tendar na vykanańnie puskanaładačnych rabot. Kali jon nie adbudziecca, to pa normach zakupki buduć vykanany z adnoj krynicy. Całkam zaviaršyć puskanaładku majuć namier u druhim paŭhodździ 2024-ha.
Na «Aeradromnaj» azdablenčyja pracy znachodziacca na finalnym etapie, śpiecyjalisty ŭžo ažyćciaŭlajuć naładku nieabchodnaj aparatury.
— Kali kazać pra «Niemaršanski sad», na hetym abjekcie zajmajemsia ŭnutranym azdableńniem, robim afarmleńnie kanstrukcyj uvachodu, a taksama zaviaršajem mantaž abstalavańnia, — padkreśliŭ P.Carun.
— Što tyčycca «Słuckaha Haścinca», zakančvajem azdableńnie słužbovych pamiaškańniaŭ, dalej prystupim da mantažu abstalavańnia. Pierad nami staić zadača zaviaršyć novyja stancyi mietrapalitena i elektradepo «Słuckaje» da kanca 2024 hoda.
Nahadajem, što ŭčora paviedamlałasia pra toje, što ŭ hetym hodzie try novyja stancyi treciaj linii mohuć nie być adkrytyja.
Z-za mocnaj zalevy zaciakła vada na stancyju mietro ŭ centry Minska. Topić i ŭ inšych miescach
Novyja stancyi mietro mohuć da kanca hetaha hoda nie adkryć
Da kanca hoda ŭ Minsku adkryjucca try novyja stancyi mietro
Jak vyhladaje stancyja mietro «Park Čaluskincaŭ» paśla ramontu FOTY
Kali pačnuć budavać novyja stancyi mietro — płany źmianilisia
Vylecieła ŭ nieviadomym kirunku śpikierka KR Anžalika Mielnikava30
Kamientary