Zrešty jon nie abnaŭlaŭsia bolš za piać miesiacaŭ, z 7 śniežnia 2023 hoda.
Pierastaŭ adkryvacca sajt «Narodnaj Voli», ale jon i tak nie abnaŭlajecca z 7 śniežnia.
U žniŭni minułaha šhoda stała viadoma, što šmathadovy hałoŭny redaktar «Narodnaj voli» Iosif Siaredzič, jaki zajmaŭ hetuju pasadu z 1995 hoda, pakidaje jaje, a novym uładalnikam vydańnia z 1 vieraśnia stała firma «Hipier PK».
Tady paviedamlałasia, što na čale sajta staić sam kiraŭnik «Hipier PK» Mikałaj Zinievič. Jon paźbiahaŭ havaryć pra heta, ale nazyvaŭ siabie mieniedžaram internet-prajektaŭ. U miedyjnaj śfiery Zinievič asabliva nikomu nie byŭ viadomy.
Jak kazaŭ tady Iosif Siaredzič, ad supracoŭnictva z sajtam «NV-Anłajn», niahledziačy na damoŭlenaść, byli adchilenyja mnohija žurnalisty.
«Hetaja infarmacyja jak śniežny kamiak na hałavu. Mnie škada žurnalistaŭ. Ja byŭ upeŭnieny, što jany buduć pracavać na adpaviednym uzroŭni, a apynulisia kala raźbitaha karyta. Mnie niezrazumiełyja dziejańni tych, kamu ja biaspłatna pamyłkova pieradaŭ sajt», — pryznavaŭsia tady inšym miedyjam Iosif Siaredzič i abiacaŭ, što «budzie dziejničać z tym, kab adnavić zakonnaść».
U telehram-kanale vydańnia apošniaja navina taksama datavanaja 7 śniežnia. A kolkaść padpisčykaŭ źlacieła da 1009 padpisčykaŭ.
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ9
Kamientary
https://nashaniva.com/343386