Prapanujem recept empanadas, natchniony tradycyjnymi arhiencinskimi smakami: ź jałavičynaj, aliŭkami, jajkami i mnostvam śpiecyj, takich, jak vendžanaja papryka, kmien i šmatki čyli, a taksama z tonkaj sałodkaściu dziakujučy razynkam. Empanadas časta padajuć na viečarynkach jak zakusku, ale hetyja piražki takija ž dobryja na piknikach ci navat spakavanyja ŭ jakaści darožnaha śniadanku.
Fota: Pexels
Kab pryhatavać empanadas ź jałavičynaj, spatrebicca:
- 400 h ababranaj bulby, narezanaj kavałačkami taŭščynioj 5 mm (biarycie hatunki z vysokim utrymańniem kruchmału)
- 1 st. ł. aleju, najlepš aliŭkavaha
- 1 cybulina, drobna narezanaja
- 4 zubki časnaku, zdrobnienyja
- 500 h jałavičnaha faršu
- 1 1/2 č. ł. vendžanaj papryki
- 1 1/2 č. ł. mołataha kmienu
- 1/2 č. ł. šmatkoŭ čyli
- 1 šklanka jałavičnaha bulonu
- 1 st. ł. tamatnaj pasty
- 1/3 šklanki razynak
- 2 zvaranyja ŭkrutuju jajki, narezanyja bujnymi kavałkami
- 1/2 šklanki zialonych alivak biez kostačak, narezanych
- 8 listoŭ zamarožanaha piasočnaha ciesta
- sous čyli dla padačy
Jak hatavać:
- Advarycie bulbu ŭ kastrulcy z padsolenaj vadoj na praciahu 3 chvilin abo pakul jana nie stanie miakkaj. Źlicie.
- Razahrejcie alej u vialikaj patelni na siarednim ahni. Absmažvajcie cybulu i časnak, pamiešvajučy, 5 chvilin abo pakul cybula nie stanie miakkaj. Pavialičcie ahoń da maksimumu. Dadajcie farš i hatujcie, pamiešvajučy, kab nie ŭtvarylisia kamiački, na praciahu 3 chvilin abo pakul jon nie padpiačecca. Dadajcie papryku, kmien i pierac čyli. Hatujcie da źjaŭleńnia vodaru. Dadajcie bulon, tamatnuju pastu, bulbu i razynki. Tušycie 8 chvilin abo pakul sous nie zahuścieje. Dadajcie jajki i aliŭki i prypraŭcie pa smaku. Astudzicie.
- Razahrejcie duchoŭku da 200°C. Zaścialicie dźvie vialikija blachi papieraj dla vypiečki.
- Vyražycie ź ciesta tryccać dva koły dyjamietram 11,5 sm. Vykładzicie ŭ centr kožnaha koła pa dźvie stałovyja łyžki miasnoj sumiesi. Składzicie napałovu, kab načyńnie było ŭnutry, i zaščapicie krai, kab jany ščylna prylahali adzin da adnaho. Vykładzicie piražki švom uvierch na padrychtavanyja blachi. Zapiakajcie 30 chvilin abo da załacistaha koleru. Padavajcie z sousam čyli abo lubym inšym, jaki vam smakuje.
Kamientary
ja voobŝie-to za P
kakoje mamidorami ? budietie s mamoj za ručku chodiť k fiefiektołohu. ponili?