Zialenski: Straty RF pry nastupie na poŭnačy Charkaŭskaj vobłaści skłali vosiem rasijskich vajskoŭcaŭ da adnaho ŭkrainca
U intervju žurnalistam z Centralnaj Azii prezident Ukrainy Uładzimir Zialenski acaniŭ rasijskija straty.
«Hladzicie. Ich «praryŭ» u napramku Charkava. Jaki byŭ… kolki ŭžo prajšło? Dzion 20? Dva tydni. Krychu bolš. Achviary — adzin da vaśmi. Adzin ukrainiec — vosiem ruskich. Vajennyja achviary — adzin da vaśmi», — skazaŭ Zialenski.
Pa słovach Zialenskaha, «Pucinu absalutna naplavać na razumieńnie čałaviečaha žyćcia, jamu naplavać i na svaich ludziej, jak na hramadzianskich, tak i na vajskoŭcaŭ».
Rasiejskija vojski ŭ traŭni pačali nastup na poŭnačy Charkaŭskaj vobłaści. Rasijski prezident Uładzimir Pucin kazaŭ, što płanaŭ uziaćcia Charkava ŭ Rasii «na siońniašni dzień» niama, a ŭkrainski prezident Uładzimir Zialenski kazaŭ, što ŭkrainskim vojskam udałosia stabilizavać situacyju.
Ukrainski Hienštab ranicaj u subotu zajaviŭ, što na Charkaŭskim napramku «ŭkrainskija abaroncy šturmavymi dziejańniami adciskajuć voraha ad piaredniaha kraju abarony, na asobnych učastkach majuć pośpiech».
Ciapier čytajuć
Danosčycu Volhu Bondaravu adličyli ź Pieduniviersiteta paśla 13 sutak na Akreścina19
Kamientary
A skolko Zie end Ko zarabatyvajut na vojnie nie skazał .