Sport55

Zbornuju Biełarusi pa futzale mohuć nie puścić na čempijanat Jeŭropy ŭ Litvu i Łatviju

Na minułym stała viadoma, što zbornaja Biełarusi pa futzale ŭpieršyniu za 16 hadoŭ zavajavała pucioŭku na čempijanat Jeŭropy, jaki pavinien uzimku prajści ŭ Łatvii i Litvie. Ale zbornaj Biełarusi moža tudy nie trapić.

U Litvie zabaronienaja vydača viz biełarusam i rasijanam, a miascovaje Minsportu rekamienduje admaŭlacca ad hulniaŭ z pradstaŭnikami Biełarusi i Rasii, a taksama nie dazvalać im udzielničać u spabornictvach na terytoryi krainy. U Łatvii ž takija miery zamacavanyja ŭ vyhladzie dakładnaj zabarony na zakanadaŭčym uzroŭni.

Varta adznačyć, što adbor na Jeŭra taksama prajšła kamanda z Ukrainy, dzie pa zakonie zabaroniena ŭdzielničać u adnych spabornictvach ź biełarusami i rasijanami, jakija nie majuć niejtralny status.

Ministerstva sportu Litvy adkazała na aficyjny zapyt «Trybuny» nakont udziełu zbornaj Biełarusi ŭ Jeŭra-2026.

«Rekamiendacyi dla nacyjanalnych spartyŭnych fiederacyj i spartyŭnych arhanizacyj, zaćvierdžanyja Ministerstvam adukacyi, navuki i sportu Litoŭskaj Respubliki ŭ lutym 2023 hoda adnosna adnosin z Rasijaj i Biełaruśsiu, zastajucca niaźmiennymi.

Ministr rekamienduje litoŭskim spartyŭnym fiederacyjam i spartyŭnym arhanizacyjam nie ŭdzielničać u spartyŭnych spabornictvach, na jakija zaprašajucca i ŭdzielničajuć rasijskija i biełaruskija spartoŭcy i kamandy, što pradstaŭlajuć svaju krainu abo ŭdzielničajuć u jakaści niejtralnych spartoŭcaŭ. Arhanizacyjam rekamiendujecca nie zaprašać i nie dazvalać hramadzianam Rasijskaj Fiederacyi i/abo Respubliki Biełaruś, što pradstaŭlajuć svaju krainu, udzielničać u spartyŭnych spabornictvach i mierapryjemstvach, jakija pravodziacca ŭ Litvie.

Zhodna z rekamiendacyjami, prapanujecca, kab pry arhanizacyi mižnarodnych spartyŭnych spabornictvaŭ u Litvie hramadzianie Rasii i Biełarusi, jakija ŭdzielničajuć u spabornictvach i pradstaŭlajuć inšyja krainy, padpisvali dekłaracyju, jakaja zaklikaje da spynieńnia vajny va Ukrainie i asudžaje teraryzm i ahresiju suprać Ukrainy, a taksama admaŭlaje palityku, jakuju pravodziać Rasija i Biełaruś.

Taksama zhodna z Zakonam Litoŭskaj Respubliki ab abmiežavalnych mierach u suviazi z vajennaj ahresijaj suprać Ukrainy (ustupiŭ u siłu 3 maja 2023 hoda), pryjom zajaŭ na atrymańnie viz ad hramadzian Rasii i Biełarusi litoŭskimi vizavymi słužbami za miažoj prypynieny.

U hetym zakonie niama vyklučeńniaŭ dla vydačy viz hramadzianam Rasii i Biełarusi, jakija žadajuć uziać udzieł u mižnarodnych spartyŭnych spabornictvach u Litvie.

Akramia taho, zhodna z hetym zakonam, hramadzianam Rasii, jakija majuć šenhienskija vizy, vydadzienyja inšymi krainami, moža być admoŭlena va ŭjeździe ŭ Litvu», — adkazali ŭ ministerstvie.

Čempijanat Jeŭropy pa futzale projdzie z 18 studzienia pa 6 lutaha 2026 hoda ŭ Ryzie i Kaŭnasie, losavańnie i dzie buduć hulać kankretnyja kamandy stanie viadoma paźniej.

Kamientary5

  • Tiertiul
    15.04.2025
    See you v USATOJ *OPIE!

    [Zredahavana]
  • Špulak
    15.04.2025
    Puściać! Inakš čempijanat u inšyja krainy pieraniasuć.
  • Josik
    15.04.2025
    Vo ŭžo skłahytańnia budzie ad dyrektara saŭhasa, kali im admoviać. Znoŭ daviedajemsia, jakija tamaka hnidy dy miarzotniki, kazły i hiei va ŭładzie.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Cichanoŭski raskazaŭ, što treba było rabić u žniŭni 2020-ha20

Cichanoŭski raskazaŭ, što treba było rabić u žniŭni 2020-ha

Usie naviny →
Usie naviny

Alaksandr Hleb paprasiŭ vyklučyć jaho z sankcyjnaha śpisu Polščy i atrymaŭ adkaz10

MZS Polščy prakamientavała prablemy z atrymańniem viz13

Niejrasietka Iłana Maska vyklikała skandał, uchvalna vykazvajučysia pra Hitlera

Polšča pryznała Alaksandra Mašenskaha niepažadanaj asobaj42

Historyk Aleh Łatyšonak pra emihrantaŭ novaj chvali: «Havorać pa-rasijsku ŭ situacyi, kali maskal topča Biełaruś! Prosta žach!»88

Byłaja palitźniavolenaja Natalla Dulina prosić dapamohi15

Załužny i Zialenski zastajucca šalona papularnymi va Ukrainie

Natchnialnaja navina: «Naša Niva» čempijon pa adličeńniach ad padachodnaha padatku5

Karanik prapanavaŭ pravodzić suprać padziažu žyvioły «palityku NEP»5

bolš čytanych navin
bolš łajkanych navin

Cichanoŭski raskazaŭ, što treba było rabić u žniŭni 2020-ha20

Cichanoŭski raskazaŭ, što treba było rabić u žniŭni 2020-ha

Hałoŭnaje
Usie naviny →

Zaŭvaha:

 

 

 

 

Zakryć Paviedamić