Źmicier Daškievič. Fota: Naša Niva
Jak stała viadoma z sacyjalnych sietak, Źmitra Daškieviča abvinavacili pa častcy 2 artykuła 411 Kryminalnaha kodeksa Biełarusi «Złosnaje niepadparadkavańnie patrabavańniam administracyi papraŭčaj ustanovy». Pa hetym artykule palitźniavolenamu pahražaje pazbaŭleńnie voli na termin da dvuch hadoŭ.
Źmitra Daškieviča zatrymali ŭ krasaviku 2022 hoda. Razam z žonkaj Nastaj jaho abvinavacili va ŭdziele ŭ akcyi pratestu 23 žniŭnia 2020 hoda. 14 lipienia 2022 hoda Źmitru pryznačyli 1,5 hoda kałonii, a Naście — 3 hady «chatniaj chimii».
Adnak u lipieni 2023 hoda Źmicier na volu nie vyjšaŭ. Jaho pakinuli za kratami nibyta za złosnaje niepadparadkavańnie patrabavańniam administracyi kałonii. U vieraśni Źmitru Daškieviču dadali hod strohaha režymu.
Pa raniejšaj spravie hramadskamu aktyvistu Źmitru Daškieviču zastavałasia adsiadzieć dva miesiacy, ale ŭ pačatku maja stała viadoma, što na jaho zaviali novuju pa artykule 342 «Arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich».
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Za dva miesiacy da skančeńnia terminu na Źmitra Daškieviča znoŭ zaviali kryminalnuju spravu
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)