Načalnik staličnaha kryminalnaha vyšuku paabiacaŭ znajści zabojcu kasira «Absalutbanka»
Načalnik upraŭleńnia kryminalnaha vyšuku HUUS Minharvykankama Mikałaj Vieramjoŭ abiacaje znajści zabojcu kasira «Absalutbanka».
«Ja upeŭnieny, što hetaje złačynstva budzie raskrytaje», — skazaŭ jon na pres‑kanfierencyi 27 studzienia.
Nahadajem, 10 śniežnia 2009 hoda byŭ učynieny razbojny napad na punkt abmienu valuty «Absalutbanka» kala staličnaha univiersama «Aŭtazavodski», u vyniku čaho była zabitaja 21‑hadovaja dziaŭčyna‑kasir.
Adkazvajučy na pytańnie, čamu da hetaj pary złačynstva nie raskrytaje,
Vieramjoŭ adznačyŭ, što jano «nieardynarnaje». «Prychodzicca pravodzić šmat mierapryjemstvaŭ dla taho, kab atrymać nieabchodnyja źviestki», — patłumačyŭ jon.
Pavodle słoŭ načalnika ŭpraŭleńnia kryminalnaha vyšuku, štodzień praviarajucca «adna‑dźvie infarmacyi, jakija tyčacca hetaha złačynstva i pastupajuć ad hramadzian». «My pastupova padychodzim da raskryćcia hetaha złačynstva», — adznačyŭ Vieramjoŭ.
Jon nie staŭ adkazvać na pytańnie, ci jość infarmacyja pra miesca znachodžańnia złačyncy, u pryvatnaści, ci zmoh jon vyjechać za miažu.
Zakranajučy asobu zabojcy, načalnik staličnaha kryminalnaha vyšuku adznačyŭ,
što złačynstva ŭčyniŭ čałaviek, jaki «žyvie ŭ nas».
Pašpart Novaj Biełarusi pačnuć vydavać z 26 studzienia. Što viadoma i jak atrymać?46
Kamientary