Tur: Tak, čaściej za ŭsio my adpraŭlajem pytańni Łukašenku na ŭzhadnieńnie
Ci ŭzhadniajuć pytańni žurnalisty pierad tym, jak zadać ich Alaksandru Łukašenku? Uzhadniajuć, adkazaŭ prapahandyst Ihar Tur i daŭ hetamu svajo tłumačeńnie.
«Raz užo takaja sprava — tak, čaściej za ŭsio my adpraŭlajem pytańni prezidentu na ŭzhadnieńnie», — pajšoŭ na ščyraść Tur.
Jon heta tłumačyć tym, što «luboje pytańnie da Łukašenki — heta vysokaja palityka».
«Nie tolki jaho adkaz, ale i samo pytańnie. Vysokaja palityka vielmi tonkaja, i ŭ vysokaj palitycy cana adnaho niasłušnaha słova, a ŭžo tym bolš pytańnia — vielmi vysokaja.
Skažam, ja mahu trojčy adpraŭlać zapyt na pytańnie «Alaksandr Ryhoravič, a voś asabista vy hatovyja sadzicca za stoł pieramovaŭ ź Zialenskim, padać jamu ruku i damovicca ab miry na Ukrainie, zrabiŭšy vyhlad, što zabylisia na raniejšyja słovy i dziejańni Uładzimira Alaksandraviča suprać krainy i vas asabista?» — umoŭna siońnia, vosieńniu 2024 i viasnoj 2025.
I tolki ŭ trecim vypadku zadać mienavita hetaje pytańnie mienavita ŭ hetaj farmuloŭcy budzie karektna, tamu što ciapier budzie da miesca. I navat patrebnaje.
A siońnia hetaje pytańnie lišniaje, tamu što samo majo hetaje pytańnie mienavita ŭ hetaj farmuloŭcy siońnia moža zhulać suprać nacyjanalnych intaresaŭ Biełarusi. A ŭvosień 2024 hoda — vydatnaje pytańnie, ale treba budzie krychu pamianiać farmuloŭku», — ličyć Tur.
Prapahandyst udakładniaje, što ŭzhadniaje pytańni Łukašenku pres-sakratarka Natalla Ejsmant.
«Dla hetaha ŭ prezidenta jość pres-sakratar, jakaja viedaje ŭsie palityčnyja tonkaści roznych časavych adrezkaŭ. I prymaje rašeńnie nie zychodziačy z taho, ci padabajecca joj hetaje pytańnie abo ci spadabajecca hetaje pytańnie Alaksandru Ryhoraviču, a zychodziačy z taho — treba krainie, kab mienavita hetaje pytańnie i adkaz na jaho prahučali siońnia publična ci nie?» — piša Tur.
Tema ŭzhadnieńnia pytańniaŭ śpikieram była padniataja dačkoj Aleha Hajdukieviča Lizavietaj, jakaja ŭ efiry STB raspaviała, jak prachodziać dyjałohavyja placoŭki ŭ VNU.
«Usim studentam razdajuć pytańni, jakija jany pavinny zadać, a tym, chto sapraŭdy žadaje zadać pytańnie, prosta nie dajuć hetaha zrabić. Paśla hetaha ja pierastała chadzić na dyjałohavyja placoŭki», — skazała Lizavieta.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary