Karł III staŭ usiaho druhim brytanskim manarcham, čyj partret źjaviŭsia na banknotach.
Bank Anhlii z 5 červienia zapuściŭ u abaračeńnie novyja banknoty z partretam karala Karła III, piša Bi-bi-si.
Novyja banknoty pastupova, pavolna buduć zamianiać ciapierašnija, z partretam pamierłaj u vieraśni 2022 hoda karalevy Lizaviety II — pa miery ich znosu, a znosiacca jany niachutka, bo zroblenyja z hnutkaha płastyku.
Karł III staŭ usiaho druhim brytanskim manarcham, čyj partret źjaviŭsia na banknotach. Upieršyniu partret manarcha stali drukavać na papiarovych funtach ŭ 1960 hodzie, i tady na tronie była Lizavieta — jana da taho času vaładaryła ŭžo vosiem hadoŭ.
«Heta histaryčny momant: my ŭpieršyniu mianiajem partret suvierena na našych banknotach», — skazaŭ kiraŭnik Banka Anhlii Endru Biejli.
Na advarotnym baku kupiur zastalisia raniejšyja asoby: na piaci funtach — Uinstan Čerčyl, na dziesiaci — piśmieńnica Džejn Ościn, na dvaccaci — mastak Džozef Ternier, na piacidziesiaci — matematyk Ałan Tjurynh.
Niekalki bankaŭ Šatłandyi i Paŭnočnaj Irłandyi pa damovie z Bankam Anhlii vypuskajuć ułasnyja šatłandskija i irłandskija funty, i na ich banknotach ni manarcha, ni hetych znakamitych ludziej niama.
Pieršyja banknoty z Karłam III Bank Anhlii nadrukavaŭ jašče ŭ minułym hodzie, ale ich da hetaha času nie vypuskali ŭ abaračeńnie, pakul nie byli pieranaładžany aŭtamaty, jakija prymajuć najaŭnyja hrošy.
Partret karala na hrošach zrobleny pa fatahrafii 2013 hoda.
U krasaviku Karłu III uručyli nabor novych banknot ź pieršymi sieryjnymi numarami.
Kiraŭnik Banka Anhlii Endru Biejli kaža, što bank razumieje, što dla mnohich brytancaŭ usio jašče važna mieć mahčymaść płacić najaŭnymi, i tamu budzie trymać banknoty i maniety ŭ abarocie stolki, kolki budzie treba hramadstvu.
Dola pakupak za najaŭnyja ŭ Brytanii, jak i ŭ mnohich inšych krainach, u apošnija dziesiać hadoŭ imkliva padała: u 2013 hodzie jana składała bolš za 50%, u 2022 — 15%. U 2023 hodzie z-za vialikaj inflacyi jana, praŭda, padrasła da 19%.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary