Hety čałaviek staŭ pieršym u historyi kasmanaŭtam, jaki pravioŭ na arbicie bolš za 1000 sutak
Papiaredni rekord składaŭ 878 dzion.
Rasijski kasmanaŭt Aleh Kananienka staŭ pieršym u historyi čałaviekam, jaki sumarna pravioŭ u kosmasie tysiaču sutak, paviedamiła dziaržkarparacyja «Raskosmas».
«Siońnia ŭ 00.00.20 pa maskoŭskim časie kasmanaŭt dziaržkarparacyi «Raskosmas» Aleh Kananienka, jaki pracuje na Mižnarodnaj kaśmičnaj stancyi, upieršyniu ŭ śviecie nabraŭ 1000 sutak pa sumarnaj praciahłaści kaśmičnych palotaŭ», — adznačajecca ŭ paviedamleńni.
Aleh Kananienka adpraviŭsia ŭ piaty kaśmičny palot 15 vieraśnia 2023 hoda na karabli «Sajuz MS-24» razam z rasijaninam Mikałajem Čubam i amierykankaj Łoreł O'Chara. O'Chara viarnułasia na hetym ža karabli 6 krasavika z rasijskim kasmanaŭtam Aleham Navickim i biełaruskaj kasmanaŭtkaj Marynaj Vasileŭskaj.
Kananienka i Čub viernucca na ziamlu 23 vieraśnia razam z amierykankaj Trejsi Dajsan, jakaja prylacieła z Navickim i Vasileŭskaj na «Sajuzie MS-25». Pa zaviaršeńni piataj misii na MKS sumarny nalot Kananienka składzie 1110 sutak. Papiaredni suśvietny rekord (bolš za 878 dzion), jaki naležaŭ rasiejskamu kasmanaŭtu Hienadziu Padałku, Kananienka pabiŭ 4 lutaha.
Pieršy kaśmičny palot Kananienka ździejśniŭ u 2008 hodzie, druhi — u 2011-2012 hadach, a treci i čaćviorty — u 2015-m i 2018-2019 hadach. Jon uznačalvaje rasijski atrad kasmanaŭtaŭ z 2016 hoda.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary