Haradziency źviarnulisia ŭ harvykankam nakont pomnika Bykavu, im adkazali
Hrodzienski harvykankam adkazaŭ haradžanam, jakija źbirali podpisy pad pietycyjaj za ŭstanoŭku pomnika Vasilu Bykavu ŭ Hrodnie. Aficyjny adkaz byŭ apublikavany na sajcie Petitions.by.
Pavodle dakumienta, jaki padpisany namieśnicaj staršyni Hrodzienskaha harvykankama Zojaj Kulešaj: «Stvareńnie i ŭstalavańnie padobnych abjektaŭ narmujecca pałažeńniem ab paradku stvareńnia (rekanstrukcyi) i pryjomki tvoraŭ manumientalnaha i manumientalna-dekaratyŭnaha mastactva».
Z hetaha vynikaje, što ŭstalavańnie pomnikaŭ histaryčnym asobam nie ŭvachodzić u kampietencyi harvykankama. Pavodle pałažeńnia, na jakoje spasyłajecca staršynia Hrodzienskaha harvykankama, pomniki ŭ abłasnych centrach možna stavić tolki na padstavie rašeńniaŭ abłvykankama. Prajekt pomnika pavinien taksama atrymać zaklučeńnie Ministerstva kultury i prajści ŭzhadnieńnie ŭ prezidenta. Źniešni vyhlad i architekturnaje rašeńnie zaćviardžaje respublikanskaja mastacka-ekśpiertnaja rada.
U svajoj pietycyi haradziency źbirali podpisy pad prośbaj ustalavać u Horadni pomnik piśmieńniku Vasilu Bykavu, jaki žyŭ u horadzie z 1947 pa 1949 i z 1955 pa 1972 hady. Jany spasyłalisia na toje, što ŭ «Hrodnie, dzie žyŭ i pracavaŭ Vasil Bykaŭ jaho imia nie ŭviekaviečana naležnym čynam». Ahułam pad pietycyjaj padpisaŭsia 31 čałaviek, piša bellit.info.
«Z hetymi hmachami ad našaha horada ničoha nie zastaniecca». Hrodziency nie ŭ zachapleńni ad idei ŭźvieści kvartał z vysotkami
«Razhledzieli zvarot z vyjezdam na miesca». Ułady Hrodna adkazali na pytańnie, kudy źnikła šylda ŭ honar Kaściuški
Nieanacyst Łušč źbiraje podpisy, kab pierajmienavać vulicu Kalinoŭskaha ŭ Minsku ŭ vulicu 17 Vieraśnia
Stała viadoma pra aryšt minskaha chirurha z 17-hadovym stažam. Joj pahražaje ahromnisty termin za palityku5
Kamientary