Pa paniacijach žanicha, raz ty całavałasia, musiš ź im łažycca. Piša Barys Tumar.
Rasijski analityk Andrej Suzdalcaŭ lubić vystaŭlacca tym, jak vielikadušna Rasija dapamahaje Biełarusi, i mnohija biełaruskija partały zachoplena zazirajuć jamu ŭ rot. Jahonyja słovy ŭhruntavanyja na vialikaj tradycyi.Rasijski histaryčny, kulturny i palityčny naratyŭ na tym staić: Rasija była impieryjaj, ale vysakarodnaj. U adroźnieńnie ad usich inšych impieryj, jana zachoplivała ziemli nie dla ekspłuatacyi, a dla aśviety i dapamohi.
Na adnoj z kanfierencyj Biełaruskaha instytutu stratehičnych daśledavańniaŭ Suzdalcava bliskuča asadziła prafiesarka Harvardskaha ŭniviersiteta Marharyta Balmaseda. «Rasija subsiduje Biełaruś!» — pryhavorvaŭ vydaleny ź Biełarusi palitołah. «Rasija ŭkładaje lubyja hrošy, kab tolki zastacca manapolnym pastaŭščykom enerhanośbitaŭ Biełarusi, što dazvolić u budučyni atrymlivać nieabmiežavanyja dyvidendy, adkazała jamu Balmaseda.
Nafta ŭ abmien na pacałunki. Ale pa paniacijach žanicha, raz ty całavałasia, musiš ź im łažycca.Siečynskaja sastupka — nafta, jakaja budzie pastaŭlenaja na biełaruskija naftapierapracoŭčyja zavody, a paśla ekspartavanaja nazad u Rasiju ŭ vyhladzie naftapraduktaŭ, taksama nie budzie abkładacca mytam — z razradu danajskich daroŭ. Takim čynam skarocicca biełaruski ekspart u ES i vyraście — na ŭschod.
Łukašenka śmieły, kali vajuje sa studentami na vulicach i piensijanierkami z Sajuzu palakaŭ. Ale Maskvie jon 15 hadoŭ robić sastupku za sastupkaj. Pradaŭ movu, pradaŭ ściah, pradaŭ vojska. I na 16-m hodzie jahonaha pyšnaha kiravańnia enerhazaležnaść Biełarusi ad Rasii paŭzie da 95%. Bravo, biasstrašny lider.
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ3
Kamientary