Zamiest troch — adzin. U Minsku chočuć spraścić sistemu raździelnaha zboru bytavoha śmiećcia
Pradpryjemstva «Remandzis-Minsk» ciapier realizuje ŭ troch staličnych rajonach piłotny prajekt. Zamiest troch kantejnieraŭ — dla papiery i kardona, dla škła i dla płastyka — u Kastryčnickim, Maskoŭskim i Frunzienskim rajonach staviać adzin ahulny, paviedamlaje «Smartpres».
Zbor ćviordych kamunalnych adkidaŭ, jak i ŭ inšych rajonach, pry hetym robicca ŭ asobny kantejnier čornaha koleru.
Jak raskazała na pres-kanfierencyi namieśnica hienieralnaha dyrektara pa dobraŭparadkavańni, sanitarnym utrymańni žyllovaha fondu HA «Minskaja haradskaja žyllovaja haspadarka» Anastasija Vierabjova,
«ekśpierymient pakazaŭ stanoŭčy vynik. Takaja sistema bolš zrazumiełaja ludziam i pracent vybarki pavialičyŭsia da 30%».
Dziakujučy hetamu ciapier razhladajecca mahčymaść maštabavać prajekt na šmatkvaternuju zabudovu pa ŭsim Minsku, paviedamiła čynoŭnica.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary