Hienprakuratura pryznała ekstremisckim sajt pasłuh pa lehalnym vyzvaleńni ad vajskovaj słužby
Partał abvinavacili ŭ tym, što jon pieraškadžaŭ kamplektavać armiju.
Hienprakuratura vyjaviła sajty, jakija prapanoŭvali pryzyŭnikam lehalnuju dapamohu pa vyzvaleńni ad słužby ŭ vojsku.
Viedamstva Andreja Švieda abvinavaciła asobny partał u prapahandzie ŭchileńnia ad vajskovaha abaviazku. Na dumku prakuratury,
«internet-placoŭki chavali svaju destruktyŭnuju dziejnaść pad vyhladam nibyta zakonnaj pravavoj dapamohi pryzyŭnikam pry prachodžańni imi mierapryjemstvaŭ pryzyvu na terminovuju vajskovuju słužbu».
Pryzyŭnikam prapanoŭvalisia płatnyja pasłuhi pa ŭchileńni ad vajskovaj słužby pa miedycynskich, siamiejnych i inšych padstavach. Apłata prymałasia ŭ zamiežnaj valucie i kryptavalucie.
U Hienprakuratury ličać, što takija resursy padšturchoŭvali pryzyŭnikoŭ da ździajśnieńnia pravaparušeńniaŭ, źviazanych z uchileńniem ad vajskovaj słužby, a taksama pieraškadžali zakonnaj dziejnaści kampietentnych orhanaŭ pa kamplektavańni asabovym składam Uzbrojenych Sił i inšych vajskovych farmavańniaŭ.
U vyniku sud pryznaŭ infarmacyju nienazvanaha pa imieni internet-resursu ekstremisckimi materyjałami.
Nahadajem, što Hienprakuratura raniej abmiežavała dostup da sajta povestka.org. Na partale było paznačana, što jon prapanuje prapanuje «lehalnyja rašeńni dla pryzyŭnikoŭ i ich baćkoŭ».
Jak ciapier vyhladaje palitźniavoleny Juraś Ziankovič. Jon nie ŭ robie, a ŭ cyvilnym kaściumie10
Kamientary