Pratezy z Šviejcaryi i Indyi, leki z Banhładeš. Ministr zdaroŭja raskazaŭ, jak śfiera žyvie va ŭmovach sankcyj
Ministr achovy zdaroŭja Alaksandr Chadžajeŭ raskazaŭ, miedycynskuju pradukcyju jakich krain ciapier zakuplajuć uzamien amierykanskich i jeŭrasajuzaŭskich.
«Dla apieracyj pa endapratezavańni bujnych sustavaŭ zamiest endapratezaŭ z Hiermanii i ZŠA arhanizavali pastaŭki sa Šviejcaryi, Vienhryi i Indyi. Akramia taho, Navukova-technałahičny park BNTU «Palitechnik» letaś asvoiŭ vytvorčaść endapratezaŭ kalennych i tazaściehnavych sustavaŭ. Užo zakuplena 600 kamplektaŭ.
Dla skaračeńnia terminaŭ ramontu vysokatechnałahičnaha abstalavańnia pryniaty miery pa dyviersifikacyi pastavak zapčastak z Kitaja, Rasii, Irana i Turcyi, — patłumačyŭ Alaksandr Chadžajeŭ. —
Što tyčycca lekavych srodkaŭ, niekatoryja zamiežnyja vytvorcy i pastaŭščyki albo całkam spynili impart preparataŭ u našu krainu, albo praz łahistyčnyja i inšyja prablemy nie zmahli vykonvać zaklučanyja kantrakty. Adnak my zamianili ich anałahami inšych vytvorcaŭ z Armienii, Rasii, Indyi, Banhładeš.
Uviadzieńnie sankcyj uskładniła pracu ajčynnych vytvorcaŭ praź ciažkaści ŭ zakupkach i pastaŭkach farmaceŭtyčnych substancyj, dapamožnych rečyvaŭ. Hetyja leki zamianili anałahami z Rasii i Kitaja».
Minzdaroŭja choča zraŭnavać u cenach dziaržustanovy i pryvatnyja miedcentry
«Da 10 tysiač rubloŭ. Prezidencki zarobak». Łukašenka raskazaŭ, kolki zarablajuć miedyki
«Chadžajeŭ zabraŭ trubku ŭ Žarko i skazaŭ, što rabić ź Niaklajevym». Jak uvajšoŭ u historyju baćka ministra zdaroŭja
Novy ministr zdaroŭja Chadžajeŭ — patołahaanatam pa pieršaj śpiecyjalnaści
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary