«Sała z chlebam i krab ź ikroj mohuć być adnolkava smačnymi». Pra hety restaran havoryć uvieś Instagram
Na nabiarežnaj Śvisłačy kala parku Horkaha adkryŭsia restaran Zizú. Jaho brend-šef — Siarhiej Varašyłaŭ, jaki raniej pracavaŭ u vilenskim prajekcie, jaki zhadvaŭsia ŭ hidzie Michelin, a taksama źjaŭlajecca pastajannym brend-šefam u italjanskim restaranie Dialoghi, «Kurynym kłubie» i hastranamičnym prajekcie «AmAmAm». Patrapić u Zizú ŭviečary ŭžo ciapier składana: stoliki na vychadnyja zamaŭlajuć za niekalki tydniaŭ, raspaviadaje Onliner.
Pra kancepcyju i ježu
Siarhiej Varašyłaŭ kaža, što nie vyznačaŭ dla restarana strohich ramak i farmataŭ.
«Kancepcyja restarana ŭ tym, što jaje niama. Heta prosta miesca z sučasnaj, stylnaj, kłasnaj ježaj, kudy chočacca prychodzić pa nahodzie i biez nahody, z pryhožym vyhladam i ŭ pryhožym interjery».
Mieniu źbirali vakoł ułasnaj hieahrafii padarožžaŭ i asabistych upadabańniaŭ: tut jość i mižziemnamorskija stravy, i pica ź italjanskaj piečy, i kačka pa-piekinsku.
«Čaroŭnaść ježy — u raznastajnaści. Ja adnolkava lublu pajeści sała z chlebam i kraba ź ikroj, zapivajučy šampanskim. I toje i druhoje moža być smačnym».
U Zizú pryncypova ŭnikajuć farmulovak pra «vysokuju kuchniu».
«Nam heta naohuł nie blizka. My nie chočam, kab čałaviek adkryvaŭ mieniu i adčuvaŭ siabie jak na ekzamienie. My prafiesijnyja hiedanisty: lubim usio spraščać i nie napružvacca. I chočam, kab hości taksama nie napružvalisia».
Pra ceny
U mieniu vialiki raździeł apierytyvaŭ.
«Hety raździeł taksama źjaviŭsia z našaha ŭłasnaha vopytu. Kali padarožničaješ i chodziš pa restaranach, časam biareš stolki maleńkich zakusak, što da haračaha sprava ŭžo nie dachodzić», — kaža Varašyłaŭ.
Ceny ŭ mieniu vahajucca ad siarednich da vielmi vysokich: poruč z katletami ź indyčki ci picaj stajać tartar z łanhuścinaŭ za 135 rubloŭ, pica z čornaj ikroj za 190 rubloŭ i płato morapraduktaŭ za 350 rubloŭ.
Samyja papularnyja pazicyi — tartar ź jałavičyny (43 rubli) i pica z trufielem i stračatełaj (69 rubloŭ).
«Ja radžu ludziam bolš pracavać. Ale kali surjozna, ceny nie biarucca z stoli. Achałodžany łanhuścin kaštuje jak kryło samalota, i my nie možam pradavać jaho tanna», — tłumačyć ceny Siarhiej.
Pra ažyjataž i atmaśfieru
Restaran raźličany na 134 miescy. Prastora ŭklučaje asnoŭnuju zału z adkrytaj kuchniaj i piečču, bar i VIP-zału z kaminam. Interjer raspracoŭvała maskoŭskaja studyja Veter, a dla afarmleńnia vykarystoŭvali pracy biełaruskich i rasijskich mastakoŭ.
Usie karciny stvaralisia śpiecyjalna dla restarana. Častku rabot pa eskizach dyzajnieraŭ napisała biełaruskaja mastačka Volha Stabroŭskaja. Vialikuju pracu pamieram prykładna 4×2 mietra jana dapisvała ŭžo na miescy.
Kieramičnyja vazy pa matyvach karcin rabiła na zakaz biełaruskaja majstrycha Kaciaryna Žyźnieŭskaja.
Z-za vialikaha patoku ludziej hałoŭnaj prablemaj stała braniravańnie. Ludzi skardziacca, što nie mohuć zrabić heta.
«Nam mohuć telefanavać kala dvuchsot čałaviek u dzień. My prosta fizična nie paśpiavajem adkazać usim», — kamientuje pijar-dyrektar Liza Kałamijec.
Apisvajučy viečarovy ažyjataž, Siarhiej Varašyłaŭ žartuje, što i sam dva tydni nie moža zamović sabie stolik na viečar.
Siarhiej kaža, što ŭ restaranie niama dres-kodu i naohuł niama praviłaŭ:
«Prychodźcie tak, jak vam zručna: ź dziećmi, z sabakami, ź siamjoj, ź siabrami. Restaran dastatkova vialiki, i nam patrebnyja roznyja ludzi. Chtości raz na miesiac prychodzić źjeści smačnuju picu. Chtości pravodzić dziełavuju sustreču i zamaŭlaje darahoje šampanskaje. Chtości biare morapradukty. Kali ŭsim kamfortna, značyć, meta dasiahnutaja. Nichto nie budzie hladzieć, u čym vy pryjšli, z kim i čamu. Usim u dobrym sensie ŭsio roŭna. Nie ŭ płanie servisu, viadoma, a ŭ płanie acenki. Pryjšoŭ adpačyvać — adpačyvaj. Z vaśmi da dziesiaci staić taki šum, što ludzi kažuć: «Jak byccam my nie ŭ Minsku».
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary