Ministr navuki i vyšejšaj adukacyi Rasii Valeryj Falkoŭ paviedamiŭ, što biełaruskija abituryjenty zmohuć pastupać u rasijskija VNU pa adukacyjnych hrantach. Pa słovach kiraŭnika viedamstva, rasijski ŭrad užo pryniaŭ adpaviednuju pastanovu.
Na pasiadžeńni 66-j siesii Parłamienckaha schodu Sajuza Biełarusi i Rasii ŭ Minsku Falkoŭ nahadaŭ, što kožny hod rasijskija VNU vydzialajuć peŭnuju kolkaść biaspłatnych miescaŭ dla zamiežnikaŭ. Dla biełarusaŭ hetaja kolkaść — 1300.
«U dadatak da kvot my ŭvodzim druhi instrumient… Havorka idzie pra adukacyjnyja hranty», — cytuje rasijskaha čynoŭnika Sputnik.
Valeryj Falkoŭ adznačyŭ, što zakanadaŭčuju asnovu dla hetaha ŭžo stvaryli, i rastłumačyŭ, čym «dobryja adukacyjnyja hranty».
Pa-pieršaje, pa jahonych słovach, hranty pakryjuć transpartnyja vydatki. «Druhoje — heta strachoŭka, treciaje — žyćcio ŭ internacie, čaćviortaje — stypiendyja. U zaležnaści ad akademičnaj paśpiachovaści i zasłuh u škole jość try roznyja ŭzroŭni stypiendyi», — raskazaŭ kiraŭnik viedamstva.
Falkoŭ taksama dadaŭ, što ŭrad Rasii płanuje pavialičyć finansavyja vydatki na padrychtoŭku adnaho śpiecyjalista ŭ VNU.
Hubaziki spynili aŭto ŭ Breście, kiroŭca sprabavaŭ uciačy i najechaŭ na adnaho ź ich1
Kamientary