Mužčyna zajaviŭ, što doma sam upaŭ na nož. Ekśpierty vyrašyli vyśvietlić, ci mahčyma heta
I pryjšli da niečakanaj vysnovy.
U pačatku hoda mužčyna ŭ Pietrykaŭskim rajonie vyklikaŭ chutkuju dapamohu. Miedykam jon patłumačyŭ, što doma ŭpaŭ na nož. Pacyjenta špitalizavali ŭ balnicu ŭ Pietrykavie, u jaho dyjahnastavali kołata-rezanuju ranu na pavierchni hrudnoj kletki źleva ŭ vobłaści serca.
Ranieńnie nie było pranikajučym. Tym nie mienš, lekary ŭsio adno patelefanavali ŭ milicyju. Siłavikam mužčyna patłumačyŭ, jak usio adbyłosia. Na kuchni jon staŭ na kresła, kab dabracca da vierchniaj šafki, ale nie ŭtrymaŭsia na nahach i ŭpaŭ na słoik, u jakim vastryjom uvierch stajali nažy.
Milicyja nie pavieryła pacyjentu i pryznačyła sudova-miedycynskuju ekśpiertyzu. Paškodžańni, jakija atrymaŭ mužčyna, byli acenienyja jak lohkija cialesnyja.
Paśla ŭ chodzie raźbiralnictvaŭ ekśpierty pryjšli da niečakanaj dla siabie vysnovy: mužčyna kazaŭ praŭdu. U toj prykry viečar jon vypiŭ, paśla čaho palez pa niešta ŭ vierchniuju šafku na kuchni. Kaardynacyja mužčynu padviała, i jon upaŭ na tumbačku, dzie znachodziŭsia košyk z nažami, i nanios sabie nažavoje ranieńnie.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary