Na biełaruskich zapraŭkach źjaviacca kava-pryntary. Što heta takoje?
Kožny zmoža «nadrukavać» svajo fota na kavie.
«Biełarusnafta» pastavić na niekatorych zapraŭkach kava-pryntary.
Takija aparaty dazvolać lubomu achvotnamu nadrukavać svoj malunak na kavavaj piency, marozivie, kaktejli abo desiercie.
Jak raspavioŭ načalnik adździeła hramadskaha charčavańnia centralnaha aparata «Biełarusnafty» Siarhiej Kiryluk, mašyna zmoža nadrukavać fatahrafii naviedvalnikaŭ abo łahatypy.
«Dla hetaha vykarystoŭvajucca jadomyja charčovyja farby, jakija nie majuć smaku i pachu, a značyć, nijak nie ŭpłyvajuć na ŭsprymańnie napoju, nie pakidajuć śladoŭ na vusnach i posudzie, absalutna biasškodnyja dla zdaroŭja. Pryčym fota na kavie mohuć być jak kalarovyja, tak i manachromnyja. Adnym słovam, my chočam damahčysia vau-efiektu. U najbližejšy čas abstalavańnie kitajskaj vytvorčaści pastupić da nas», — raspavioŭ Kiryluk.
Akramia taho, na zapraŭkach źjaviacca kitajskija čajnyja mašyny, jakija aŭtamatyčna zavarvajuć harbatu. U takich mašynach jość bunkier dla listavoj harbaty i nazapašvalnik vady. Pry nacisku na knopku, mašyna sama zavarvaje harbatu.
Kiryluk śćviardžaje, što takich mašyn pakul niama nivodnaj adnoj ź biełaruskich zapravak.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu8
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary