«Dni i miesiacy, kali ja prosta była adna». Błohierka Asia Papłaŭskaja raskazała, jak rychtavałasia stać manaškaj i čamu nie stała
Niemahčymaść karystacca sacsietkami i naviny ab pratestach i represijach ad znajomych. U manastyry Papłaŭskaja pražyła piać hadoŭ, ciapier vymušanaja budavać žyćcio z nula.
Błohierka i žurnalistka Asia Papłaŭskaja ŭ 2019 hodzie pajšła ŭ katalicki klaštar. Tam jana praviała 5 hadoŭ u padrychtoŭcy da pryniaćcia manaskich abiacańniaŭ. Za hety čas u Biełarusi prajšli pratesty 2020-ha, chvala represij i masavaja emihracyja z krainy. Asia taksama vyjechała ź Biełarusi, ale nie z pryčyny represij, a ŭ miežach padrychtoŭki da pryniaćcia manaskich abiacańniaŭ. U vyniku joj admovili i ciapier Asia viartajecca da śvieckaha žyćcia. U razmovie z «Radyjo Svaboda» jana ŭpieršyniu raskazała pra toje, jakimi byli jaje apošnija hady.
«Ja była ŭ šoku, kali atrymała admovu ad kiraŭnicy manastyra ŭ pryniaćci manaskich abiacańniaŭ, bo ŭ mianie nie było inšych planaŭ na žyćcio. Ciapier ja starajusia apamiatacca. U Polščy, aproč manastyra i znajomych siaścior, pa sutnaści, nikoha niama. Ja šukaju žyllo i pracu. Piać hadoŭ ja nie była ŭ prafesii, heta vielmi šmat, dla žurnalista heta prafesijnaja śmierć. Ale ja vieru: kali Hospad dapuściŭ, što moj los składvajecca tak, to jon mnie dapamoža prajści heta šlach paśpiachova», — razvažaje Asia.
Paśla admovy ŭ pryniaćci abiacańniaŭ čałaviek nia moža bolš znachodzicca ŭ manastyry, tłumačyć surazmoŭca. U katalickich manastyrach niekalki etapaŭ farmacyi. Kali čałaviek tolki prychodzić u klaštar, jon znachodzicca na etapie kandydatury. Paśla jaho prymajuć u pastulat, nastupny etap — navicyjat. Usie etapy vyznačajuć nastajacieli.
«U mianie byŭ dosyć doŭhi pastulat, try hady. Paśla ja pajechała ŭ Polšču, kab tam raspačać nastupny etap farmacyi, niepasredna pierad abiacańniami. Pieršy hod navicyjatu — vielmi zakryty farmat. Čałaviek tolki pracuje i molicca. U druhim etapie navicyjatu ŭžo jość praktyki: praca ŭ katalickim sadku, na kuchni. Ale i hety etap zakryty ŭ planie kamunikacyi z vonkavym śvietam. Paśla navicyjatu nastajacieli prymajuć rašeńnie, ci dapuskać čałavieka da pieršych manaskich abiacańniaŭ», — raskazvaje Asia.
Pryčynaŭ admovy jana nie nazyvaje. Siarod ich mohuć być roznyja. Nastajaciel prosta moža paličyć, što čałavieku budzie ciažka. Hetaha dastatkova, kab admović.
«Jość try manaskija abiacańni: pasłuchmianaści, čyścini i biednaści. Naprykład, pryjarysa bačyć, što čałavieku ciažka dajecca pasłuchmianaść — nia choča pracavać, spračajecca. Tady pryjarysa razumieje, što čałavieku budzie ciažka. Čałaviek moža być nie hatovy pryśviacić usio svajo žyćcio tamu, čym zajmajucca siostry. Bo ŭ ich abmiežavanaje koła zaniatkaŭ. Žurnalistam u manastyry nia budzieš», — pryvodzić prykład surazmoŭca.
Taksama jość vypadki, kali siostry zachaplajucca śviatarami, ulublajucca, i nia ŭsie mohuć z hetym spravicca. Heta jašče adna z pryčyn vychadu z manastyra. Časam čałaviek sam prymaje rašeńnie vyjści pierad davańniem abiacańniaŭ.
«Nie mahła padtrymlivać svaich»
Padčas vybaraŭ i pratestaŭ 2020 hodu Asia znachodziłasia ŭ Biełarusi i prachodziła pastulat. Tady joj jašče možna było karystacca telefonam, a ŭ Polščy na nastupnym etapie internetam karystacca było ŭžo nielha.
«U mianie ŭ Biełarusi jašče byŭ telefon. Byŭ unutrany dyskamfort ad taho, što ja nie mahła padtrymlivać svaich. U mianie byli abmiežavańni na karystańnie sacyjalnymi sietkami, ja nie mahła pračytać niejki kamentar, niešta napisać. Usie abmiarkoŭvali naviny, ja sazvońvałasia ź siabrami, viedała ad ich, što adbyvajecca. U Polščy było jašče mienš infarmacyi. Ale niešta ja daviedvałasia z katalickaj presy, tak ja daznałasia pra aryšt našaj žurnalistki Aksany Jučkavič», — pryhadvaje Asia.
Aksana Jučkavič pracavała na partale catholic.by, jaje aryštavali 23 studzienia sioleta, paśla prysudzili 3 hady «chatniaj chimii» nibyta za arhanizacyju i padrychtoŭku dziejańniaŭ, jakija hruba parušajuć hramadzki paradak. Niekatoryja naviny Asia prasiła pahladzieć siaścior pa klaštary.
«Ja daviedałasia pra adjezd ź Biełarusi śviataroŭ Viačasłava Barka, jašče adnaho znajomaha śviatara. U Biełarusi ciapier być katolikam — značyć być palakam. A kali śviatar ci siastra jašče i biełaruskamoŭnyja, to heta momant niezadavolenaści ŭłady. Pra šyroki pieraśled siaścior-manašak ja nia viedaju. Ale vyjechali tyja, chto nia moh maŭčać i nia moh nie vykazvać svaju hramadzianskuju pazycyju», — kaža Asia.
Pa słovach surazmoŭcy, u biełarusaŭ u Polščy ciapier jość svaje śviatary i jany mohuć malicca na svajoj movie.
«Hłybokaja psychaterapija»
U klaštar Asia Papłaŭskaja pajšła papularnaj błohierkaj, žurnalistkaj, a heta šmat času ŭ internecie i sacyjalnych sietkach. I raptam usiaho hetaha bolš nielha. Najbolš ciažka jana pieranosiła deficyt kamunikacyi ź siabrami dy znajomymi.
«Ty adčuvaješ siabie adarvanym. Nibyta ty ŭžo nie ŭ Biełarusi, ale jašče nie ŭ Polščy. Pa-čałaviečy heta ciažka. Dapamahała razumieńnie, što heta nieabchodny etap dla ŭsich, chto prychodzić u manastyr. Pa-inšamu nie byvaje. Paśla pryniasieńnia pieršych abiacańniaŭ siastra moža karystacca telefonam i sacyjalnymi sietkami, ale z abmiežavańniami», — raskazvaje Asia.
Čas u klaštary Papłaŭskaja paraŭnoŭvaje z doŭhaj psychaterapijaj, ale bolš hłybokaj.
«U mianie byli dni i miesiacy, kali ja prosta była adna, bo nikoha nie było na maim etapie farmacyi. Kali čałaviek uvieś čas adzin, to padčas malitvy pačynaješ pa-novamu siabie ŭśviedamlać. I heta samapahłybleńnie daje zrazumieć, chto ty. Prychodziać adkazy na ekzystencyjnyja pytańni. Paśla manastyra čałaviek vychodzić zusim inšym», — havoryć Asia.
«Zrazumieła, što heta majo miesca»
U 2019 hodzie Asiu Papłaŭskuju zaprasili pračytać lekcyju pra sacyjalnyja sietki ŭ parafii.
«Mianie zaprasiŭ ksiondz jak žurnalistku, kab ja praviała lekcyju pra etyku ŭ sacyjalnych sietkach. Ja praviała zaniatak, mianie pasialili tam na paru dzion. U niejki momant ja jasna zrazumieła, što heta majo miesca. Heta ciažka patłumačyć navat sabie samoj. Ja była ŭpeŭniena, što mnie pakazali majo miesca, što ja pryjšła dadomu i mušu być tut».
Pa słovach Asi, u klaštar zvyčajna prychodziać u bolš maładym uzroście. Časta biaz dośviedu darosłaha samastojnaha žyćcia.
«U kožnaha svaje pryčyny. Ja była nietypovym vypadkam, bo pryjšła ŭ manastyr u 31 hod. Bolšaść prychodziać paśla škoły ci ŭniversytetu. Jak praviła, u ich nie było dośviedu pracy, darosłaha žyćcia. Tamu im praściej usprymać rečaisnaść. Heta dla ich varyjant uładkavać svajo žyćcio. A ŭ mianie byŭ dośvied absalutna inšy. Ale asnoŭnaje, prychod u manastyr dla ŭsich siaścior — vynik sustrečy z Hospadam», — tłumačyć Asia.
«U luby momant mohuć pryjści prosta tak»
Varyjant jechać u Biełaruś paśla klaštara Asia nie razhladała. Raniej pracavała žurnalistkaj, u siabrach — ekstremisty i nieŭjaznyja.
«Ja razumieju, što ŭ luby momant mohuć da mianie pryjści prosta tamu, što ja pracavała žurnalistkaj, pra mianie źjaŭlajucca naviny ŭ niezaležnych ŚMI. Tema manastyra cikavaja dla čałavieka, heta takaja tera inkohnita, ja chaču hetym padzialicca. A staŭšy surazmoŭcam niezaležnych ŚMI nierazumna navat dumać jechać u Biełaruś», — padsumoŭvaje Papłaŭskaja.
Čynoŭniki prydumali niezvyčajny sposab utrymać školnikaŭ ad pastupleńnia za miažu2
Kamientary
Idi i zanimajsia tiem, čto protianieš, monašiestvo - nie tvojo!
a paśla manastyra? słabo praŭdu raskazać?
Voobŝie, ja sčitaju siebia očień tolerantnym..
Choť hiei, choť cyhanie, choť jabaćki, choť śvidietieli makaronnoho monstra..
No vot eto, po-mojemu, užie čieriesčur.
Imienno tut naprašivajetsia prinuditielnoje lečienije.